సునీల్ కి కూడా చైతు సెంటిమెంట్?

దర్శకుడు ఎన్ శంకర్ కు కెరీర్ లో చాలానే సక్సెస్ లు ఉన్నాయి. చెప్పుకోదగ్గ హిట్స్ తో.. సొంత ప్రొడక్షన్ లో మంచి సినిమాలనే తీశాడు. ప్రస్తుతం సునీల్ హీరోగా ఓ సినిమాను తెరకెక్కిస్తున్నాడు శంకర్. తన సొంత బ్యానర్ అయిన మహాలక్ష్మి ఆర్ట్స్ బ్యానర్ పైనే ఈ మూవీని రూపొందించాడు శంకర్.

ప్రస్తుతం హీరోగా సునీల్ కెరీర్ ఏమంత ఆశాజనకంగా లేదు. ఇలాంటి పరిస్థితిలో ఎన్ శంకర్ రూపొందిస్తున్న మూవీ పైనే హోప్స్ అన్నీ పెట్టుకున్నాడు. రీసెంట్ గా ఈ మూవీకి టైటిల్ లోగోను రిలీజ్ చేశారు. ఇందులో సినిమా పేరు 2కంట్రీస్ అనే విషయాన్ని అనౌన్స్ చేశాడు దర్శకుడు. మలయాళ హిట్ మూవీ 2కంట్రీస్ ను తెలుగులో రీమేక్ చేస్తున్న శంకర్.. ఇప్పుడు తెలుగు కోసం కూడా అదే పేరు కంటిన్యూ చేస్తున్నాడు. సహజంగా సినిమా జనాలు సెంటిమెంట్ ఫాలో అవుతుంటారు. ఇప్పటికే చైతు ప్రేమమ్ అంటూ ఓ రీమేక్ ను.. అదే పేరుతో రిలీజ్ చేసిన సంగతి తెలిసిందే. హిట్ మూవీ కావడంతో.. ఆ సెంటిమెంట్ నే ఫాలో అయ్యాడు చైతు. సక్సెస్ కూడా సాధించేశాడు.

ఇప్పుడు సునీల్ సినిమా విషయంలో దర్శకుడు ఎన్ శంకర్ కూడా అదే చేస్తున్నాడు. దిలీప్.. మమతా మోహన్ దాస్ చేసిన పాత్రలను.. తెలుగులో సునీల్- మనీషా రాజ్ లు పోషిస్తున్నారు. ఇప్పటికే షూటింగ్ తో పాటు.. పోస్ట్ ప్రొడక్షన్ పనులను కూడా దాదాపు పూర్తి చేసుకున్న 2 కంట్రీస్ కు.. త్వరలో ఫస్ట్ లుక్ తో పాటు ఇతర ప్రచార కార్యక్రమాలు కూడా పూర్తి చేసి.. డిసెంబర్ లో రిలీజ్ చేయాలని భావిస్తున్నాడు దర్శకుడు.