ఎన్టీఆర్ కోసం కొత్త ప్యాలెస్

జూనియర్ ఎన్టీఆర్ రాబోతున్న సినిమా ‘జై లవ కుశ’ రోజు రోజుకు అభిమానులలో మరింత ఆశక్తి పెంచే లా బజ్ క్రియేట్ చేస్తోంది. సినిమా ఫస్ట్ లుక్ తో మాస్ ఎంట్రీ ఇచ్చిన ఎన్టీఆర్ ఈ సినిమా కోసం చాలా జాగ్రతలు తీసుకుంటున్నాడట. ఈ సినిమా నిర్మాణంలో ఎక్కడా రాజీ పడకుండా నిర్మాత కల్యాణ్ రామ్ చూసుకుంటున్నాడు. ఇప్పుడు ఈ సినిమా కోసం ఒక సెట్ కూడా వేయబోతున్నారు. ఇది సినిమాలో కీలకమైన పాత్రను పోషిస్తుందని టాక్.

ఎన్టీఆర్ జై లవ కుశ కోసం రామోజీ ఫిల్మ్ సిటీ లో భారీ నిర్మాణంలో ఒక విలాసవంతమైన భవనాన్ని కడుతున్నారు. ఈ సెట్ కు అయ్యే ఖర్చు రెండు కోట్లు పై మాటే అంటున్నారు. సెకండ్ హాఫ్ మాస్టర్ సీన్లు అన్నీ ఈ లొకేషన్ లో షూట్ చేస్తారట. ఎన్టీఆర్ ఈ సినిమాలో త్రిపాత్ర అభినయనం చేసి కొత్తగా కనిపించనున్న సంగతి తెలిసిందే. అందులో ఒక పాత్ర కోసం ఇప్పుడు ఈ ఇంటిని నిర్మిస్తున్నారా లేక ఇంకా ఎవరైనా విలన్ కోసమా అనేది తెలియాల్సి ఉంది. కాకపోతే ప్యాలెస్ రేంజ్ ఇంటీరియర్స్ కట్టారంటే.. ఏదన్నా పీరియడ్ ఎపిసోడ్ ఉందా అనే సందేహం కూడా వచ్చేస్తోందిలే.

ఇకపోతే ఈ సినిమాలో ఒక ఎన్టీఆర్ పాత్ర కోసం ప్రోస్తేటిక్ మేకప్ ను కూడా వాడుతున్నారు. ది లోర్డ్ ఆఫ్ ది రింగ్స్, షట్టర్ ఐలాండ్ సినిమాలాకు పని చేసిన ఇంటర్నేషనల్ మేకప్ ఆర్టిస్ట్ వాన్స్ హార్ట్వెల్ జై లవ కుశ సినిమాకు ఎన్టీఆర్ ను రెడీ చేస్తున్న సంగతి తెలసిందే. బాబి డైరక్షన్లో రూపొందుతున్న ఈ సినిమాలో మరి ఎన్టీఆర్ ఎలాంటి కొత్త కొత్త ఫీట్లు చేస్తాడో చూడాలి.

Like Us on Facebook : https://www.facebook.com/Tupakidotcom/