#2022 స్పెష‌ల్‌: క్రిష్ 4 .. భాయిజాన్ 2 ట్రీట్ షురూ

కొత్త ఏడాది లో స్టార్లు స‌రికొత్త ప్ర‌ణాళిక‌ల‌తో దూసుకుపోతున్నారు. టాలీవుడ్ బాలీవుడ్ కోలీవుడ్ అనే తేడా ఏం లేదు. అన్నిచోట్లా అగ్ర క‌థానాయ‌కులు కోవిడ్ స‌మ‌యాన్ని స‌ద్వినియోగం చేసుకున్నారే కానీ న‌ష్ట‌పోలేదు.

ముఖ్యంగా బాలీవుడ్ బిగ్ స్టార్స్ అంతా ఈ క‌ష్ట కాలంలోనూ స‌మ‌యాన్ని వృథా చేయ‌క‌ ప‌క్కా ప్లానింగ్ తో ముందుకు క‌దులుతున్నారు. థ‌ర్డ్ వేవ్ తో క‌రోనా పూర్తిగా అంత‌మైపోతుంద‌ని ఓ వైపు గుస‌గుస వినిపిస్తోంది. రెండేళ్ల పాటు ప‌ట్టి పీడించిన వైర‌స్ పీడ తొల‌గిపోతుందని అంతా ఆశ‌గా ఎదురుచూస్తున్నారు. ఈ నేప‌థ్యంలో బాలీవుడ్ స్టార్ లో ప్లానింగ్ కూడా అందుకు త‌గ్గ‌ట్టే జ‌రుగుతోంది. స‌ల్మాన్ ఖాన్ హీరోగా క‌బీర్ ఖాన్ ద‌ర్శ‌క‌త్వంలో తెర‌కెక్కిన `భ‌జ్ రంగ్ భాయిజాన్` ఎలాంటి విజ‌యం సాధించిందో తెలిసిందే. ఈ సినిమా కోట్ల వ‌సూళ్ల‌ను సాధించింది. టాలీవుడ్ రైట‌ర్ విజ‌యేంద‌ర్ ప్ర‌సాద్ ఈ చిత్రానిక క‌థ అందించారు.

ఇప్పుడీ చిత్రానికి సీక్వెల్ కూడా ప్లాన్ చేసారు స‌ల్మాన్. `ప‌వ‌న్ పుత్ర‌భాయిజాన్` టైటిల్ తో ప్ర‌క‌ట‌న విడుద‌లైంది. ఇప్ప‌టికే సీక్వెల్ స్క్రిప్ట్ ని కూడా విజ‌యేంద్ర‌ప్ర‌సాద్ రెడీ చేసి పెట్టారు. అయితే క‌బీర్ ఖాన్ ద‌ర్శ‌క‌త్వం వ‌హిస్తారా? లేదా? అన్న‌దే సందేహం. సీక్వెల్ పై స‌ల్మాన్ ఎంతో ఎగ్గైటింగ్ గా ఉన్నారు. కానీ ఇప్ప‌టివ‌ర‌కూ నేను స్క్రిప్ట్ చ‌ద‌వ‌లేదు. కానీ విజ‌యేంద్ర క‌థ‌లో కొత్త‌ద‌నం-ఎగ్జైట్ మెంట్ అంశాలు క‌చ్చితంగా ఉంటాయి. కానీ సీక్వెల్ ఐడియాలు నాలో అంత ఎగ్టైట్ మెంట్ ని తీసుకురాలేవు. నా స‌క్సెస్ ఫుల్ చిత్రాల‌కు సీక్వెల్స్ చేయాల‌నిపించ‌దు. అలా జ‌ర‌గాలంటే ఆ క‌థ‌ని గ్రేట్ స్క్రిప్ట్ గా ఫీల‌వ్వాలి`` అన్నారు.

ఇక మ‌రో బాలీవుడ్ స్టార్ హృతిక్ రోష‌న్ క‌థానాయ‌కుడిగా` క్రిష్ -4`కి రంగం సిద్ధ‌మైంది. చాలా కాలంగా ఈ సీక్వెల్ కి స్క్రిప్టు స‌హా బ‌డ్జెట్ల వేట సాగుతోంది. కొత్త ఏడాది 2022లో సినిమా ప్రారంభించాల‌ని రాకేష్ రోష‌న్ ఓ ఇంట‌ర్వ్యూలో వెల్ల‌డించారు. కోవిడ్ అదుపులోకి రాగానే సినిమా ప్రారంభం కానుంది. అలాగే హృతిక్ న‌టిస్తోన్న `విక్ర‌మ్ వేద` ఫ‌స్ట్ లుక్ పోస్ట‌ర్ ని హృతిక్ బ‌ర్త్ డే ఏ సంద‌ర్భంగా జ‌న‌వ‌రి 10న రిలీజ్ చేసారు. ఇందులో హృతిక్ ని గెట‌ప్ చూసి మాతృక త‌మిళ వెర్ష‌న్ హీరో విజ‌య్ సేతుప‌తితో అభిమానులు పోల్చుతున్నారు. ఈ సినిమాపై భారీ అంచ‌నాలున్నాయి.

అలాగే ర‌ణ‌వీర్ సింగ్ క‌థానాయ‌కుడిగా రోహిత్ శెట్టి ద‌ర్శ‌క‌త్వంలో తెర‌కెక్కుతోన్న `సిర్క‌స్` సినిమా కోవిడ్ కార‌ణంగా చాలా కాలంగా వాయిదా ప‌డుతోంది. ఎట్ట‌కేల‌కు ఆ సినిమా రిలీజ్ కి రంగం సిద్దవుతోంద‌ని ర‌ణ‌వీర్ సింగ్ తెలిపారు. రోహిత్ శెట్టి స‌రైన తేదీ కోసం వెయిట్ చేస్తున్న‌ట్లు తెలిపారు. 2022లో బాలీవుడ్ స్టార్లు న‌టించిన ప‌లు క్రేజీ చిత్రాలు విడుద‌ల‌కు సిద్ధ‌మ‌వుతున్నాయి. మ‌రికొన్ని సెట్స్ పై చిత్రీక‌ర‌ణ‌ల ద‌శ‌లో ఉన్నాయి. ఇవ‌న్నీ అభిమానుల‌కు పండ‌గ‌ను తేనున్నాయి.