Begin typing your search above and press return to search.
'3 రోజెస్' ట్రైలర్: స్వతంత్ర భావాలు గల ముగ్గురు ముద్దుగుమ్మల కథ
By: Tupaki Desk | 11 Nov 2021 7:01 AM GMT
సక్సెస్ ఫుల్ డైరెక్టర్ మారుతి ''త్రీ రోజేస్‌'' అనే వెబ్ సీరిస్‌ తో డిజిటల్ వరల్డ్ లో అడుగుపెడుతున్న సంగతి తెలిసిందే. తెలుగు ఓటీటీ ఫ్లాట్ ఫార్మ్ 'ఆహా' కోసం మారుతి ఈ సిరీస్ కు షో రన్నర్‌ గా వ్యవహరిస్తున్నారు. ఇందులో 'Rx100' బ్యూటీ పాయల్ రాజ్ పుత్ - ఈషా రెబ్బా - పూర్ణ ప్రధాన పాత్రలు పోషిస్తున్నారు. తెలుగు డిజిటల్ స్పేస్ లో ముగ్గురు హీరోయిన్స్ తో చేస్తున్న తొలి ఫీమేల్ సెంట్రిక్ ఒరిజినల్ సిరీస్ ఇదేనని తెలుస్తోంది.
''3 రోజెస్'' సిరీస్ ఆహా ఓటీటీలో నవంబర్ 12 నుంచి ప్రీమియర్ గా స్ట్రీమింగ్ కానుంది. ఈ నేపథ్యంలో ఇప్పటికే విడుదలైన ఫస్ట్ లుక్ - ముగ్గురు హీరోయిన్ల క్యారక్టర్ పోస్టర్స్ - టీజర్ ఆకట్టుకున్నాయి. ఈ క్రమంలో తాజాగా ట్రైలర్ ను స్టార్ హీరోయిన్ రకుల్ ప్రీత్ సింగ్ రిలీజ్ చేసి టీమ్ మొత్తానికి శుభాకాంక్షలు తెలియజేశారు.
రీతూ - జాన్వీ - ఇందు అనే ముగ్గురు ఆధునిక స్వతంత్ర భావాలు కలిగిన ఈ తరం అమ్మాయిల జీవితాలను ''3 రోజెస్'' వెబ్ సిరీస్ లో చూపించబోతున్నారని ట్రైలర్ చూస్తే అర్థం అవుతుంది. ఫ్రీడమ్ కోరుకుంటూ వేరే వ్యక్తి నీడలో ఎందుకు బ్రతకాలి? అనుకునే ఈ ముగ్గురి పెళ్లి చుట్టూ జరిగిన సంఘటనలను ఇందులో ప్రస్తావించారు. లవ్ - రొమాన్స్ - ఎమోషన్ - డ్రామా కలబోసి ఈ రొమాంటిక్ కామెడీ ఎంటర్టైనర్ ని రూపొందించారు.
ఫన్ అండ్ బోల్డ్‌ అంశాలతో నేటితరం యువతను టార్గెట్ చేస్తూ తీసిన ''3 రోజెస్'' సిరీస్ ట్రైలర్ అలరిస్తోంది. 'ఆడపిల్లలను ఎందుకు ఖాళీగా ఉంచడం అని చదివించడం.. కెరీర్ లో ఎదిగే టైమ్ కి పెళ్లి చేసేసి వేరే వాడి నీడలో బ్రతికేయమనడం కరెక్ట్ కాదు' అనే డైలాగ్ ఆలోచింపజేస్తోంది. ఓటీటీ కంటెంట్ కు తగ్గట్లు ముగ్గురు హీరోయిన్లు పోటీపడి అందాలు ఆరబోశారు. బ్యాగ్రౌండ్ స్కోర్ - కెమెరా వర్క్ ఆకట్టుకుంటోంది. ప్రొడక్షన్ వాల్యూస్ రిచ్ గా ఉన్నాయి.
'3 రోజెస్' సిరీస్ లో ఇషాన్ - ప్రిన్స్ - సంగీత్ శోభన్ - వైవా హర్ష - సత్యం రాజేష్ - హేమ - గోపరాజు రమణ తదితరులు కీలక పాత్రలు పోషించారు. రవి నంబూరి ఈ సిరీస్ కు కథ అందించగా.. మ్యాగీ దర్శకత్వం వహించారు. సన్నీ ఎమ్.ఆర్ సంగీతం సమకూర్చారు. బాల్ రెడ్డి సినిమాటోగ్రఫీ అందించగా.. ఎస్బీ ఉద్ధవ్ ఎడిటింగ్ వర్క్ చేస్తున్నారు. యాక్షన్ కట్ మూవీస్ ఎల్ఎల్పి బ్యానర్ పై SKN ఈ ఒరిజినల్ సిరీస్ ను నిర్మించారు.
''3 రోజెస్'' సిరీస్ ఆహా ఓటీటీలో నవంబర్ 12 నుంచి ప్రీమియర్ గా స్ట్రీమింగ్ కానుంది. ఈ నేపథ్యంలో ఇప్పటికే విడుదలైన ఫస్ట్ లుక్ - ముగ్గురు హీరోయిన్ల క్యారక్టర్ పోస్టర్స్ - టీజర్ ఆకట్టుకున్నాయి. ఈ క్రమంలో తాజాగా ట్రైలర్ ను స్టార్ హీరోయిన్ రకుల్ ప్రీత్ సింగ్ రిలీజ్ చేసి టీమ్ మొత్తానికి శుభాకాంక్షలు తెలియజేశారు.
రీతూ - జాన్వీ - ఇందు అనే ముగ్గురు ఆధునిక స్వతంత్ర భావాలు కలిగిన ఈ తరం అమ్మాయిల జీవితాలను ''3 రోజెస్'' వెబ్ సిరీస్ లో చూపించబోతున్నారని ట్రైలర్ చూస్తే అర్థం అవుతుంది. ఫ్రీడమ్ కోరుకుంటూ వేరే వ్యక్తి నీడలో ఎందుకు బ్రతకాలి? అనుకునే ఈ ముగ్గురి పెళ్లి చుట్టూ జరిగిన సంఘటనలను ఇందులో ప్రస్తావించారు. లవ్ - రొమాన్స్ - ఎమోషన్ - డ్రామా కలబోసి ఈ రొమాంటిక్ కామెడీ ఎంటర్టైనర్ ని రూపొందించారు.
ఫన్ అండ్ బోల్డ్‌ అంశాలతో నేటితరం యువతను టార్గెట్ చేస్తూ తీసిన ''3 రోజెస్'' సిరీస్ ట్రైలర్ అలరిస్తోంది. 'ఆడపిల్లలను ఎందుకు ఖాళీగా ఉంచడం అని చదివించడం.. కెరీర్ లో ఎదిగే టైమ్ కి పెళ్లి చేసేసి వేరే వాడి నీడలో బ్రతికేయమనడం కరెక్ట్ కాదు' అనే డైలాగ్ ఆలోచింపజేస్తోంది. ఓటీటీ కంటెంట్ కు తగ్గట్లు ముగ్గురు హీరోయిన్లు పోటీపడి అందాలు ఆరబోశారు. బ్యాగ్రౌండ్ స్కోర్ - కెమెరా వర్క్ ఆకట్టుకుంటోంది. ప్రొడక్షన్ వాల్యూస్ రిచ్ గా ఉన్నాయి.
'3 రోజెస్' సిరీస్ లో ఇషాన్ - ప్రిన్స్ - సంగీత్ శోభన్ - వైవా హర్ష - సత్యం రాజేష్ - హేమ - గోపరాజు రమణ తదితరులు కీలక పాత్రలు పోషించారు. రవి నంబూరి ఈ సిరీస్ కు కథ అందించగా.. మ్యాగీ దర్శకత్వం వహించారు. సన్నీ ఎమ్.ఆర్ సంగీతం సమకూర్చారు. బాల్ రెడ్డి సినిమాటోగ్రఫీ అందించగా.. ఎస్బీ ఉద్ధవ్ ఎడిటింగ్ వర్క్ చేస్తున్నారు. యాక్షన్ కట్ మూవీస్ ఎల్ఎల్పి బ్యానర్ పై SKN ఈ ఒరిజినల్ సిరీస్ ను నిర్మించారు.
