మెరుపు వేగంతో దూసుకుపోతున్న 3 స్టార్స్!

మేము క‌మిట్ అయితే మా మాట మేమే వినం అంటూ దూసుకుపోతున్నారు మెగాస్టార్ చిరంజీవి..మాస్ రాజా రవితేజ‌..డార్లింగ్ ప్ర‌భాస్. అవును ఈ ముగ్గురు హీరోలిప్పుడు ఎంత బిజీ గా ఉన్నారో? తెలిస్తే షాక్ అవ్వాల్సిందే. క్ష‌ణం తీరిక లేకుండా బిజీగా గ‌డుపుతున్నారు. రేయింబ‌వ‌ళ్లు షూటింగ్ షూటింగ్ అంటూ త‌పిస్తున్నారు. ఓవైపు ఖాళీ స‌మ‌యంలో క‌థ‌లు వింటూనే మ‌రోవైపు షూటింగ్ తో బిజీగా ఉంటున్నారు.

అదీ ఒక‌టి కాదు..రెండు కాదు..ఏకంగా ఒకేసారి మూడేసి సినిమా షూటింగ్ ల్లో పాల్గొంటున్నారు. ప్ర‌స్తుతం మెగాస్టార్ చింజీవి గాడ్ పాద‌ర్...వాల్తేరు వీర‌య్య‌...భోళా శంక‌ర్ లో న‌టిస్తోన్న సంగ‌తి తెలిసిందే. ఇటీవ‌లే గాడ్ పాద‌ర్ షూటింగ్ పూర్తి చేసారు. ద‌స‌రా కానుక‌గా చిత్రాన్ని ప్రేక్ష‌కుల ముందుకు తీసుకొస్తున్న నేప‌థ్యంలో వీలైనంత‌ త్వ‌ర‌గా డ‌బ్బింగ్ ప‌నులు పూర్తిచేయడానికి రెడీగా ఉన్నారు చిరు.

అలాగే బాబి ద‌ర్శ‌క‌త్వంలో 'వాల్తేరు వీర‌య్య' షూటింగ్ లో పాల్గొంటూనే మ‌రోవైపు 'భోళా శంక‌ర్' షూట్ కి హాజ‌ర‌వ్వ‌డానికి రెడీ అవుతున్నారు. మ‌రోవైపు భీష్మ ద‌ర్శ‌కుడు వెంకీ కుడుమ‌ల‌తో ఓ ప్రాజెక్ట్ లాక్ అయిన సంగ‌తి తెలిసిందే. ఈ సినిమాని వీలైనంత త్వ‌ర‌గా సెట్స్ కి తీసుకెళ్లాల‌ని ప్లాన్ చేస్తున్నారు. రిలీజ్ తో సంబంధం లేకుండా ఇలా మెగాస్టార్ వ‌రుస పెట్టి సినిమాలు చేయ‌డం విశేషం.

ఇక మాస్ రాజా ర‌వితేజ సైతం అన్న‌య్య వేగాన్ని అందుకోవ‌డానికి ట్రై చేస్తున్నాడు. 'రావ‌ణాసూర‌'..'టైగ‌ర్ నాగేశ్వ‌ర‌రావు'..'ధమాకా' షూటింగ్ లు ఏక కాలంలో జ‌రుగుతున్నాయి. దీంతో రాజా షెడ్యూల్ వేసుకుని వాటిని పూర్తిచేసే ప‌నిలో ప‌డ్డారు. అవి మూడుగాక వాల్తేరు వీర‌య్య లో చిరంజీవి సోద‌రుడు పాత్ర‌లోనూ న‌టిస్తోన్న సంగ‌తి తెలిసిందే.

మ‌రోవైపు పాన్ ఇండియా స్టార్ ప్ర‌భాస్ సైతం ఈ సీనియ‌ర్స్ ఇద్ద‌ర్నీ పాలో అవుతున్నాడు. 'ప్రాజెక్ట్-కె'...'స‌లార్' షూటింగ్ ల‌కు ఏక కాలంలో హాజ‌ర‌వుత‌న్నారు. రెండు సినిమాల షెడ్యూల్స్ ఎంతో ట‌ఫ్ గా ఉన్నాయి. దీంతో డార్లింగ్ రేయింబ‌వ‌ళ్లు శ్ర‌మించాల్సి వ‌స్తోంది. అయినా నో రిలాక్స్ అంటున్నాడు.

వీలైనంత త్వర‌గా మారుతి ప్రాజెక్ట్ని సెట్స్ పైకి తీసుకెళ్లాల‌ని ప్లాన్ చేస్తున్నారు. యూవీ క్రియేష‌న్స్ నిర్మిస్తున్న చిత్రం కాబ‌ట్టి దాన్ని ఎట్టి ప‌రిస్థితుల్లో డిలే చేయ‌డానికి వీలులేదు. ఈ నేప‌థ్యంలో రెండు సినిమాల‌తో బిజీగా ఉన్న ప్ర‌భాస్ - మారుతి సినిమాకి డేట్లు కేటాయించిన‌ట్లు తెలుస్తోంది. ఇంకా ప‌రిశ్ర‌మ‌లో ప‌లువురు యంగ్ హీరోలు సైతం ఇదే ప్లానింగ్ తో సినిమాలు చేస్తున్నారు.