50 కోట్ల హీరోయిన్.. ఎవరు పట్టించుకోరేంటి?

టాలెంటెడ్ హీరోయిన్ సాయి పల్లవి ఏదైనా సినిమా ఓకే చేసింది అంటే తప్పకుండా ఆ సినిమాలో బలమైన కంటెంట్ ఉంటేనే ఆమె గ్రీన్ సిగ్నల్ ఇస్తుంది అని ఇండస్ట్రీలో ఒక మంచి పేరు అయితే సంపాదించుకుంది. ఒక సినిమా కథ నచ్చకపోతే అందులో ఎంత పెద్ద స్టార్ హీరో ఉన్నా కూడా ఆమె లెక్క చేయదు అని కూడా ఒక క్లారిటీ వచ్చేసింది. ఆ మధ్య మెగాస్టార్ చిరంజీవి రీమేక్ సినిమాను కూడా ఆమె రిజెక్ట్ చేసిన విషయం తెలిసిందే.

సాయి పల్లవి మొదట ఫిదా సినిమాతో పరిచయమైనప్పుడు కేవలం ఆమె క్రేజ్ ద్వారానే దాదాపు 50 కోట్ల బిజినెస్ చేసింది. ఆ సినిమాకు హీరో వరుణ్ తేజ్ అయినప్పటికీ కూడా ఎక్కువగా సాయి పల్లవి వెండితెరపై హైలెట్ గా నిలిచింది.

అంతగా మంచి కరేజ్ అందుకున్న సాయి పల్లవి ఇప్పుడు మాత్రమే వరుస డిజాస్టర్లతో ఫామ్ కోల్పోయింది. కనీసం ఆమె సినిమా విడుదలవుతున్న హడావిడి కూడా కనిపించడం లేదు. రీసెంట్గా వచ్చిన విరాటపర్వం సినిమా ఎలాంటి రిజల్ట్ అందుకుందో ప్రత్యేకంగా చెప్పనవసరం లేదు.

ఇక ఇప్పుడు గార్గి అనే సినిమా విడుదలవుతున్న విషయం కూడా పెద్దగా ఎవరికి తెలియకపోవడం ఆశ్చర్యకరం. 50 కోట్ల బిజినెస్ చూసిన సాయి పల్లవి ఇప్పుడు మాత్రం రిలీజ్ సమయంలో కనీసం కొంత బజ్ కూడా క్రియేట్ చేయలేని పరిస్థితి ఏర్పడింది. గార్గి సినిమా ట్రైలర్ చాలా ఎమోషనల్ గా విమర్శకుల ప్రశంసలను అందుకుంది. కానీ సినిమా పై సాయి పల్లవి హార్డ్ కోర్ ఫ్యాన్స్ కూడా పెద్దగా స్పందించడం లేదు.

ఈనెల 15వ తారీఖున గార్గి సినిమా విడుదల కాబోతోంది. ప్రముఖుల ద్వారానే ఈ సినిమా ట్రైలర్ కూడా విడుదల చేయడం జరిగింది. అయినప్పటికీ కూడా ఓపెనింగ్స్ అందుకుంటుంది అని నమ్మకం కూడా లేదు. ఇక 14వ తేదీన రామ్ ది వారియర్ సినిమాకే అంతంత మాత్రం బజ్ ఉంది.

ఇక సాయి పల్లవి సినిమాకు ఇంతవరకు క్రేజ్ అందుకోలేదు. సాయి పల్లవి థియేటర్ల కు రప్పించేంత కంటెంట్ తో రావడం లేదు అని ఆమె సెలెక్ట్ చేసుకుంటున్న కంటెంట్ ఈ మధ్య కాలంలో పూర్తిగా ఫెయిల్ అవుతున్నాయనే కామెంట్స్ ఎక్కువగా వినిపిస్తున్నాయి.