ప్రియా వెంట ప‌డుతున్న పిల్లాడు

ఈ పిల్లాడికి మ‌న‌దేశానికి దూరంగా... ఎంతో మంది సినీజ‌నాలికి ఇత‌గాడు ప‌రిచ‌య‌మే. ఎందుకంటే... తెలుగులో పాట‌లు పాడి యూట్యూబ్‌ లో అప్ లోడ్ చేయ‌డం ఈ పిల్లాడికి అల‌వాటు. అంతెందుకు ప‌వ‌న్ కూడా ఆ పిల్లాడి పాట విని మెచ్చుకోవ‌డం కూడా జ‌రిగింది. అవ‌కాశం వ‌చ్చిన‌ప్పుడ‌ల్లా భార‌తీయుల టార్గెట్ చేస్తూనే ఉంటాడు ఈ పోలాండ్ పిల్లాడు. ఇప్పుడు ఇత‌గాడి చూపు ప్రియా ప్ర‌కాష్ పై ప‌డింది.

కొన్ని సెక‌న్ల వీడియోతో ప్రియా ప్ర‌కాష్ వారియ‌ర్ ప్ర‌పంచ‌వ్యాప్తంగా అభిమానుల‌ను సంపాదించుకుంది. ఆమెకున్న క్రేజ్ ఉప‌యోగించుకోవ‌డానికి సిద్ద‌మై పోయాడు పోలాండ్ పిల్ల‌గాడు బిగ్స్ బుజ్జి. ఇత‌నికి ఎనిమిదేళ్లు. చిన్న‌ప్ప‌ట్నించి భార‌తీయ భాష‌ల్లో బాగా క్రేజ్ ఉన్న న‌టీ న‌టుల పాట‌లు నేర్చుకుని పాడేస్తూ... తాను కూడా క్రేజ్ సంపాదించుకున్నాడు. గ‌తంలో అజ్ఞాత‌వాసిలోని కొడ‌కా కోటేశ్వ‌ర‌రావు పాట‌ను పాడి... యూట్యూబ్‌ లో పెట్టాడు. ఆ పాట‌కి ప‌వ‌న్ క‌ళ్యాణ్ కూడా స్పందించాడు. ఇప్పుడు బిగ్స్ బుజ్జి ప‌వ‌ర్‌ స్టార్‌ ను ప‌ట్టించుకోవ‌డం లేదు.

ఇండియా లేటెస్ట్ క్ర‌ష్ ప్రియా ప్ర‌కాష్‌. ఆమె క్రేజ్‌ ను ఉప‌యోగించుకోవాల‌ని... ఆమె న‌టిస్తున్న ఒరు అడార్ ల‌వ్ సినిమాలోని పాట‌ని పాడాడు. ప్రియాలాగే గ‌న్ తో పేలుస్తున్న‌ట్టు యాక్ష‌న్ కూడా చేశాడు. ప‌వన్ క‌ళ్యాణ్‌ కే బిస్కెట్లు వేసిన పిల్ల‌గాడికి... ప్రియా ఒక లెక్క‌.

పోలాండ్‌ లో పుట్టి... లండ‌న్ లో నివ‌సిస్తున్న బిగ్స్‌బుజ్జి గ‌తంలో ఓ పాపా లాలి... వినుడు వినుడు రామాయ‌ణ గాధ‌... నీవేనా న‌ను త‌ల‌చిన‌ది... మా తెలుగు త‌ల్లికి మ‌ల్లెపూదండ‌...వంటి పాట‌లెన్నో పాడాడు. తెలుగులో మాట్లాడ‌డం కూడా నేర్చుకున్నాడు.