అ..ఆ ప్రొడ్యూసర్ కు ప్రాబ్లమ్ లేదా?

ఇప్పటివరకు ఎప్పుడైనా మనం నిర్మాతలకే స్వయంగా కలక్షన్లకు ఎనౌన్స్ చేయడం చూశామా? ఎవరైనా డిస్ర్టిబ్యూటర్‌ కు కోపమొచ్చో.. లేకపోతే కావాలని ఎవరన్నా సినిమా గురించి సరైన ప్రచారం చేయట్లేదు అనిపించో కలక్షన్లను ప్రకటిస్తున్న రోజులివి. అదిగో మొన్న బ్రహ్మోత్సవం పంపిణీదారుడు ఒకరు నిజమైన కలక్షన్లు మేమే చెబుతాం మీరు బయటవి నమ్మకండి అన్నట్లు ఉంటుంది యవ్వారం. కాని ఇప్పుడు ''అ..ఆ'' నిర్మాతలు మాత్రం మా సినిమా 50 కోట్లు షేర్ వసూళ్లు దాటింది అంటూ డైరక్టుగా పోస్టర్లు వేసేయడం విడ్డూరమే.

అలా కలక్షన్లకు రిలీజ్‌ చేయడం వలన నిర్మాతలకు ప్రాబ్లమ్ వచ్చే ఛాన్సుంది అంటుంటారు ఫిలిం నగర్‌ జనాలు. అంతేకాదు.. చాలామంది అగ్ర నిర్మాతలే.. కలక్షన్ల గురించి అడిగితే.. మీరు రాసుకునేది మీరు రాస్కోండి అంటూ కొట్టపాడేసిన రోజులు చాలా ఉన్నాయి. పైగా ఇంకో ప్రచారం ఏంటంటే.. ఎవరైనా కలక్షన్లను బయటకు ప్రకటిస్తే.. వారిపై ఇమ్మీడియట్ గా ఆదాయపు పన్ను శాఖ దాడులు చేస్తోందని అంటున్నారు. అవన్నీ ఏమో గాని.. అ..ఆ నిర్మాత రాధాకృష్ణ మాత్రం.. కలక్షన్లను ప్రకటించడంలో పెద్దగా వర్రీ అవ్వట్లేదు. స్వయానా నిర్మాత రాధాకృష్ణ గతంలో ఇన్సూరెన్సు కంపెనీలో పనిచేసిన అనుభవం ఉన్న వ్యక్తి కావడంతో.. ట్యాక్సేషన్‌ వగైరా విషయాల్లో పర్ఫెక్ట్ అంటున్నారు ఇండస్ర్టీ వర్గాలు.

ఏదేమైనా తొలిసారి 50 కోట్ల క్లబ్ లోనికి అడుగుపెట్టిన నితిన్‌ కు ముందుగా కంగ్రాట్స్. కంటెంట్ ఎలా ఉందని క్రిటిక్స్ కామెంట్లు చేసినా కూడా.. త్రివిక్రమ్ తెలుగుదనంపై పెట్టుకున్న నమ్మకం అలా వర్కవుటైందని కూడా చెప్పుకోవాలి మనం.