మాస్ రాజా ఫ్యాన్స్ ‌కు అదిరిపోయే బ‌ర్త్ డే గిఫ్ట్

హిట్టు కొడితే ఆ జోష్ వేరుగా ఉంటుంది. ప్ర‌స్తుతం అలాంటి జోష్ మాస్ మ‌హారాజ్ ర‌వితేజ ముఖంలో పుష్క‌లంగా క‌నిపిస్తోంది. ఆయ‌న మునుపెన్న‌డూ లేనంత ఫుల్ హ్యాపీ మూడ్ లో ఉన్నార‌ని ఇదిగో ఖిలాడీ సెట్ నుంచి ఆయ‌న షేర్ చేసిన ఫోటో చెబుతోంది. ఆన్ లొకేష‌న్ ఒక‌టే పాజిటివ్ వైబ్స్ స్ప్రెడ్ అవుతున్నాయ‌న‌డానికి ఈ ఫోటోనే సాక్ష్యం.

సంక్రాంతి కానుకగా విడుదలైన క్రాక్ ఇప్ప‌టికే బ్రేక్ ఈవెన్ సాధించ‌డంతో ర‌వితేజ అండ్ టీమ్ ఆనందానికి అవ‌ధుల్లేవ్. ఇటీవలే తన కొత్త సినిమా `ఖిలాడి` షూటింగ్‏ ను ప్రారంభించాడు. ఆన్ లొకేష‌న్ నుంచి సెల్ఫీని తన ట్విట్టర్ వేదికగా అభిమానులతో పంచుకున్నాడు రవితేజ. లైట్స్.. కెమెరా.. యాక్షన్ అంటూ ఈ ఫోటోకి క్యాప్షన్ ఇచ్చారు. ప్ర‌స్తుతం రవితేజ అభిమానుల్లో ఈ ఫోటో వైర‌ల్ గా మారింది.

క్రాక్ జోన‌ర్ తో పోలిస్తే ఖిలాడీ డిఫ‌రెంట్ క‌మ‌ర్షియ‌ల్ ఎంట‌ర్ టైన‌ర్ అని తెలుస్తోంది. ఈ మూవీలోనూ మాస్ క‌మ‌ర్షియ‌ల్ అంశాలు పుష్క‌లంగా ఉండ‌నున్నాయ‌ట‌. ఈ సినిమాకు రమేశ్ వర్మ దర్శకత్వం వహిస్తున్నారు. వేస‌విలో సినిమా రిలీజ్ కానుంది. జనవరి 26న రవితేజ పుట్టినరోజు కానుక‌గా టీజ‌ర్ ని రిలీజ్ చేసేందుకు టీమ్ ప్లాన్ చేస్తోంద‌ట‌.