జల్సా రీ రిలీజ్.. జాతిరత్నాలు వీడియో వైరల్‌

పవన్ కళ్యాణ్ బర్త్‌ డే సందర్భంగా తెలుగు రాష్ట్రాలతో పాటు దేశవ్యాప్తంగా పలు ముఖ్య పట్టణాల్లో మరియు అమెరికాలో కూడా జల్సా సినిమా ను భారీ ఎత్తున రీ రిలీజ్ చేసేందుకు సిద్ధం అయ్యారు. ఇప్పటికే తమ్ముడు సినిమా పలు థియేటర్లలో స్క్రీనింగ్ వేయడంతో భారీ ఎత్తున అభిమానులు హాజరు అయ్యి పండుగ చేసుకున్నారు.

ఇక జల్సా సినిమా కోసం అభిమానులు ఎంతో ఆసక్తిగా ఎదురు చూస్తున్నారు. నేటి రాత్రి నుండే జల్సా పండుగ మొదలు అవ్వబోతుంది. కొన్ని చోట్ల నేడు రాత్రి షో లు వేయనుండగా కొన్ని చోట్ల పవన్ బర్త్‌ డే సందర్భంగా భారీ ఎత్తున షో లు వేయబోతున్నారు. ఈ సమయంలో జాతిరత్నాలు సినిమాలోని ఒక కామెడీ సన్నివేశం సోషల్‌ మీడియాలో వైరల్‌ అవుతోంది.

జాతిరత్నాలు సినిమా లో హీరో నవీన్‌ పొలిశెట్టి మరియు అతడి స్నేహితులు మాట్లాడుకుంటున్న సమయంలో మిమ్ములను నేను పైకి తీసుకు వచ్చాను అంటాడు.

నువ్వు మమ్ముల ఏం పైకి తీసుకు వచ్చావు అంటూ రాహుల్‌ రామకృష్ణ మరియు ప్రియదర్శిలు కోపంతే అంటే అప్పుడు 2008 సంవత్సరం 27 మార్చి జల్సా సినిమా విడుదల.. నటరాజ్ థియేటర్ సంగారెడ్డి.. ఆ రోజు మీరు కింద ఉన్నారు.. నేను బాల్కనీలో ఉన్నాను. నేను మిమ్ములను ఆ రోజు పైకి తీసుకు రాలేదా అనే కామెడీ సన్నివేశం ప్రస్తుతం వైరల్ అవుతోంది.

జల్సా సినిమా గురించి ప్రస్తావన ఉన్న ప్రతి ఒక్క సన్నివేశం మరియు సినిమా గురించి ప్రస్తుతం సోషల్ మీడియాలో చర్చించుకుంటున్నారు. ఓ రేంజ్ లో జల్సా సినిమాను ట్రెండ్‌ చేస్తున్నారు.

అందులో భాగంగానే జాతిరత్నాలు సినిమా లోని ఈ సన్నివేశం వైరల్‌ అవుతోంది. నవీన్ పొలిశెట్టి ఈ వీడియోను షేర్‌ చేయడంతో మరింత మంది తెగ ఈ వీడియోను చూసి నవ్వుకుంటున్నారు.




నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.