రాజ‌మౌళికి షాకిచ్చిన ర‌ణ్ బీర్ క‌పూర్

బాలీవుడ్ క్రేజీ హీరో ర‌ణ్ బీర్ క‌పూర్ మ‌న పాన్ ఇండియా డైరెక్ట‌ర్ జ‌క్క‌న్న‌కు ఉన్న‌ట్టుండి షాకిచ్చాడు. వివ‌రాల్లోకి వెళితే... ద‌ర్శ‌క‌ధీరుడు రాజ‌మౌళి తెర‌కెక్కించిన `బాహుబ‌లి` ప్రంచ సినిమాకు టాలీవుడ్ స‌త్తాని చాటి తెలుగు సినిమాని శిఖ‌రాగ్రాన నిల‌బెట్టింది. ప్ర‌పంచ వ్యాప్తంగా రికార్డు స్థాయి వ‌సూళ్ల‌ని రాబ‌ట్ట‌డ‌మే కాకుండా ఈ త‌ర‌హా భారీ చిత్రాల‌కు ధైర్యాన్నిచ్చింది.

దీంతో ద‌క్షిణాదితో పాటు ఉత్త‌రాదిలోనూ ఈ త‌ర‌హా లార్జ‌ర్‌దెన్ లైఫ్ చిత్రాల ప‌రంప‌ర మొద‌లైంది. ఈ క్ర‌మంలోనే వ‌రుస‌గా బాలీవుడ్ లో రూపొందుతున్న చిత్రం `బ్ర‌హ్మాస్త్ర‌`. అయాన్ ముఖ‌ర్జీ ఈ చిత్రానికి ద‌ర్శ‌క‌త్వం వ‌హిస్తున్నారు.

అమితాబ్ బ‌చ్చ‌న్‌, ర‌ణ్ బీర్ క‌పూర్‌, అలియాభ‌ట్‌, నాగార్జున‌, మౌనీరాయ్‌, డింపుల్ క‌పాడియా, కీల‌క అతిథి పాత్ర‌లో షారుక్ ఖార‌న్ న‌టిస్తున్నారు. మూడు భాగాలుగా రానున్న ఈ మూవీ ఫ‌స్ట్ పార్ట్ ని వ‌చ్చే ఏడాది సెప్టెంబ‌ర్ లో రిలీజ్ చేయ‌బోతున్నారు.

తొలి పార్ట్ `బ్ర‌హ్మాస్త్ర పార్ట్ 1 శివ‌`గా రానున్న ఈ మూవీ ప్ర‌మోష‌న్స్ ని చిత్ర బృందం ఇప్ప‌టికే ప్రారంభించింది. తాజాగా శ‌నివారం ఈ చిత్ర మోష‌న్ పోస్ట‌ర్ రిలీజ్ ప్రెస్‌మీట్ ని చిత్ర బృందం హైద‌రాబాద్‌లో నిర్వ‌హించింది.

ఈ కార్య‌క్ర‌మంలో అలియాభ‌ట్‌, ర‌ణ్ బీర్ క‌పూర్‌, నాగార్జున‌, ద‌ర్శ‌కుడు అయాన్ ముఖ‌ర్జీల‌తో పాటు ముఖ్య అతిథిగా జ‌క్క‌న్న రాజ‌మౌళి పాల్గొన్నారు. ఈ సంద‌ర్భంగా ఆయ‌న చిత్ర ద‌ర్శ‌కుడు అయాన్ ముఖ‌ర్జీపై సంచ‌ల‌న వ్యాఖ్య‌లు చేయ‌డం ప్రాధాన్య‌త‌ను సంత‌రించుకుంది.

ఆ త‌రువాత స్టేజ్‌పైకి వ‌చ్చిన బాలీవుడ్ క్రేజీ హీరో ర‌ణ్ బీర్ క‌పూర్ మ‌న పాన్ ఇండియా డైరెక్ట‌ర్ జ‌క్క‌న్న‌కు ఉన్న‌ట్టుండి షాకిచ్చాడు. శ‌నివారం సినిమా మోష‌న్ పోస్ట‌ర్ రిలీజ్ కోసం హైద‌రాబాద్ వ‌చ్చిన ర‌ణ్ బీర్ క‌పూర్

మీడియా సాక్షిగా ద‌ర్శ‌క‌ధీరుడు రాజ‌మౌళి క‌ళ్ల‌కు మొక్క‌డం ప‌లువురిని ఆశ్చ‌ర్యానికి గుర‌య్యేలా చేసింది. ఓ సీనియ‌ర్ ద‌ర్శ‌కుడికి, ఏజ్ పై బ‌డిన సీనియ‌ర్ ద‌ర్శ‌కుడికి మాత్ర‌మే ద‌క్కే అరుదైన గౌర‌వం రాజ‌మౌళికి ద‌క్క‌డం, అది కూడా ఓ బాలీవుడ్ క్రేజీ హీరో మీడియా ముఖంగా లైవ్ లో రాజ‌మౌళి కాళ్లు మొక్కి ఆశీర్వాదం తీసుకోవ‌డం ప్ర‌స్తుతం టాలీవుడ్‌, బాలీవుడ్ లో హాట్ టాపిక్ గా మారింది.

ర‌ణ్ బీర్ క‌పూర్‌.. ద‌ర్శ‌కుడు రాజ‌మౌళి ఆశీర్వాదం తీసుకుంటున్న వీడియో ప్ర‌స్తుతం నెట్టింట వైర‌ల్ గా మార‌డం తో తెలుగు అభిమానులే కాదు.. టాలీవుడ్ ఇండ‌స్ట్రీ వ‌ర్గాలు కూడా రాజ‌మౌళిని చూసి గ‌ర్వంగా ఫీల‌వుతున్నారు.