లైగర్ స్టార్స్ కు అరుదైన గౌరవం

విజయ్ దేవరకొండ హీరోగా డాషింగ్ డైరెక్టర్ పూరి జగన్నాద్‌ తెరకెక్కిస్తున్న లైగర్‌ సినిమా నుండి ఇటీవలే ఫస్ట్‌ గ్లిమ్స్ విడుదల అయిన విషయం తెల్సిందే. సినిమా లో విజయ్‌ దేవరకొండ మాత్రమే కాకుండా రియల్‌ సూపర్‌ స్టార్‌ మైక్ టైసన్ కూడా నటిస్తున్న విషయం తెల్సిందే. భారీ అంచనాల నడుమ రూపొందుతున్న ఈ సినిమా ఫస్ట్‌ గ్లిమ్స్ కు ఆల్ టైమ్ రికార్డు దక్కిన నేపథ్యంలో సాండ్ ఆర్టిస్టు దశరత్‌ మోహంట అద్బుతమైన లైగర్ ఆర్ట్ ను వేశాడు. విజయ్ దేవరకొండ మరియు మైక్ టైసన్‌ ల ఫేస్ లతో ఈ ఆర్ట్‌ ను ఆయన వేయడం జరిగింది. అత్యంత ప్రముఖమైన వ్యక్తులకు మరియు సంఘటనలకు మాత్రమే ఇలా సాండ్ ఆర్ట్ ను వేస్తారు. ఆ అరుదైన ఘనత ఇప్పుడు లైగర్ కు దక్కింది.

బాక్సింగ్‌ బ్యాక్ డ్రాప్ తో రూపొందుతున్న ఈ సినిమా షూటింగ్ ఇప్పటికే పూర్తి అయ్యి విడుదల అవ్వాల్సి ఉన్నా కూడా కరోనా వల్ల వాయిదా వేయడం జరిగింది. మళ్లీ ఇప్పుడు సినిమా విడుదల కోసం హడావుడి మొదలు అయ్యింది. సినిమా ను ఆగస్టులో విడుదల చేయబోతున్నట్లుగా అధికారికంగా ప్రకటించారు. షూటింగ్ దాదాపుగా ముగింపు దశకు వచ్చినట్లుగా తెలుస్తోంది. ఒకటి రెండు షెడ్యూల్స్ తో సినిమాను ముగించేలా దర్శకుడు పూరి జగన్నాద్ ప్లాన్‌ చేసినట్లుగా తెలుస్తోంది. ఇక ఈ సినిమా పై విజయ్‌ దేవరకొండ చాలా నమ్మకంతో ఉన్నాడని ఆయన మాటలను బట్టి అర్థం అవుతోంది.

విజయ్ దేవరకొండ ఈ సినిమా కోసం జుట్టు మరియు గడ్డంతో కొత్త లుక్ లో కనిపించబోతున్నాడు. ఇప్పటికే విడుదల అయిన ఫస్ట్‌ లుక్ సినిమా పై అంచనాలు పెంచేసింది. ఫస్ట్‌ లుక్ మరియు తాజాగా విడుదల అయిన గ్లిమ్స్ కూడా సినిమా స్థాయిని పెంచడంతో ఎప్పుడెప్పుడు సినిమా వస్తుందా అంటూ అంతా ఆసక్తిగా ఎదురు చూస్తున్నారు.

విజయ్ దేవరకొండ నటించిన మొదటి పాన్ ఇండియా సినిమా అవ్వడం వల్ల ఈ సినిమా ఉత్తరాదిన ఎలాంటి ఫలితాన్ని దక్కించుకుంటుంది అనేది ఆసక్తిగా మారింది. విజయ్ దేవరకొండకు జోడీగా ఈ సినిమా లో బాలీవుడ్‌ హాట్ బ్యూటీ అనన్య పాండే నటిస్తున్న విషయం తెల్సిందే. బాలీవుడ్‌ స్టార్‌ ఫిల్మ్‌ మేకర్ కరణ్‌ జోహార్ ఈ సినిమా నిర్మాణంలో ఛార్మి మరియు పూరితో కలిసి భాగస్వామ్యం అవుతున్నాడు. కరణ్‌ జోహార్ భాగస్వామ్యంతో అక్కడ సినిమా స్థాయి పెరిగింది.