ర‌ష్మిక కోసం స్పెష‌ల్ విమానం పంపించార‌ట‌

ఒక ప్ర‌మోష‌న‌ల్ ఈవెంట్ కోసం క‌థానాయిక‌ను ర‌ప్పించేందుకు నిర్మాత‌లు ఏకంగా ఒక ప్ర‌త్యేక విమానం బుక్ చేశారంటే స‌ద‌రు బ్యూటీకి ఉన్న డిమాండ్ అసాధార‌ణ‌ ఫాలోయింగ్ ని అర్థం చేసుకోవాలి.

ఇంత‌కుముందు నిహారిక పెళ్లికి మెగాస్టార్ చిరంజీవి.. అల్లు అర్జున్ .. రామ్ చ‌ర‌ణ్ వంటి టాప్ స్టార్లు ఇలా స్పెష‌ల్ విమానాల్లో రాజ‌స్థాన్ లో వెన్యూకి వెళ్లారు. కానీ ఇప్పుడు అలాంటి అవ‌కాశం .. అది కూడా ఒక ప్ర‌మోష‌న‌ల్ ఈవెంట్ కోసం ఏకంగా స్పెష‌ల్ విమానాన్నే పంపించారంటే అది నిజంగా ఆశ్చ‌ర్య‌ప‌రిచేదే.

కార్తీ - ర‌ష్మిక జంట‌గా న‌టించిన సుల్తాన్ ప్రీరిలీజ్ వేడుక హైద‌రాబాద్ లో జ‌రిగింది. కానీ ర‌ష్మిక అప్ప‌టికే ముంబైలో మిష‌న్ మ‌జ్ను షూటింగ్ లో బిజీగా ఉన్నారు. దీంతో స్పాట్ నుంచి హైద‌రాబాద్ కి తీసుకొచ్చేందుకు సుల్తాన్ నిర్మాత‌లు త‌న కోసం విమానాన్నే పంపించార‌ట‌. ప్రస్తుతం టాలీవుడ్ లో దీనిపై ఆస‌క్తిక‌ర చ‌ర్చ సాగుతోంది.

స‌రిలేరు నీకెవ్వ‌రు - భీష్మ లాంటి బ్లాక్ బ‌స్ట‌ర్ల‌లో న‌టించిన ర‌ష్మిక ప్ర‌స్తుతం పుష్ప‌లో న‌టిస్తోంది. సైమ‌ల్టేనియ‌స్ గా బాలీవుడ్ లో రెండు సినిమాల‌తో బిజీగా ఉంది. దీంతో ఇటు తెలుగు- అటు హిందీ చిత్ర‌సీమ‌ల్లో అటూ ఇటూ ష‌ఫుల్ అవుతోంది. సుల్తాన్ ఏప్రిల్ 2 న విడుదలవుతోంది. కానీ ర‌ష్మిక ప్ర‌మోష‌న్స్ ని మిస్స‌వుతోంది. నిన్న రాత్రి హైదరాబాద్ ‌లో సుల్తాన్ ప్రీ-ఈవెంట్ కోసం ముంబై నుంచి విమానంలో వచ్చింది. ర‌ష్మిక సుల్తాన్ లో విలేజీ గాళ్ పాత్ర‌లో న‌టించింది. అలాగే పుష్ప‌లోనూ గ్రామీణ యువ‌తిగానే అల‌రించ‌నుంది.