రౌడీ `లైగ‌ర్‌` నుంచి స‌ర్‌ ప్రైజింగ్‌ అప్‌ డేట్‌

రౌడీ స్టార్.. టాలీవుడ్ సెన్సేష‌న్ విజ‌య్ దేవ‌ర‌కొండ న‌టిస్తున్న తాజా చిత్రం `లైగ‌ర్‌`. వెర్స‌టైల్ డైరెక్ట‌ర్ పూరి జ‌గ‌న్నాథ్ పాన్ ఇండియా స్థాయిలో ఈ మూవీని తెర‌కెక్కిస్తున్నారు. బాలీవుడ్ హీరోయిన్ అన‌న్య పాండే తెలుగు తెర‌కు ప‌రిచ‌యం అవుతోంది. పూరి క‌నెక్ట్స్, .. ధర్మా ప్రొడ‌క్ష‌న్స్ బ్యాన‌ర్స్ పై బాలీవుడ్ స్టార్ డైరెక్ట‌ర్ క‌మ్ ప్రొడ్యూస‌ర్ పూరి జ‌గ‌న్నాథ్‌, ...చార్మీల‌తో క‌లిసి క‌ర‌ణ్ జోహార్‌,.. అపూర్వ మెహ‌తా సంయుక్తంగా ఈ మూవీని నిర్మిస్తున్నారు.

ముంబైలో కీల‌క స‌న్నివేశాల‌తో పాటు ప‌లు ఛేజింగ్ దృశ్యాల‌ని తెర‌కెక్కించిన పూరి ఆ త‌రువాత కోవిడ్ కార‌ణంగా షూటింగ్ ‌కి బ్రేకేశారు. ఇటీవ‌లే మ‌ళ్లీ షూటింగ్ స్టార్ట్ చేశారు. ర‌మ్య‌కృష్ణ‌..  రోణిత్ రాయ్‌.. మ‌క‌రంద్ దేశ్ పాండే.. అబ్దుల్ ఖాదిర్ అమీన్ ప్ర‌ధాన పాత్ర‌ల్లో న‌టిస్తున్నారు. విజ‌య్ దేవ‌ర‌కొండ బాక్స‌ర్‌ గా న‌టిస్తున్న ఈ మూవీనితో విజ‌య్ దేవ‌ర‌కొండ బాలీవుడ్ ‌లోకి ఎంట్రీ ఇస్తున్న విష‌యం తెలిసిందే.

తాజాగా ఈ మూవీ నుంచి మ‌రో స‌ర్‌ ప్రైజింగ్ అప్ ‌డేట్ రాబోతోంది. ఈ నెల 27న సాయంత్రం 4 గంట‌ల‌కు ఈ మూవీ నుంచి స్ట్రైకింగ్ అనౌన్స్‌ మెంట్ ‌ని మేక‌ర్స్ ప్ర‌క‌టించ‌బోతున్నారు. ఇందుకు సంబంధించిన ప్ర‌క‌ట‌న‌ని తాజాగా చిత్ర బృందం విడుద‌ల చేసింది. టీజ‌ర్ ‌ని రిలీజ్ చేయ‌బోతున్నారా?  లేక మ‌రో స‌ర్ ‌ప్రైజ్ అప్ డేట్ ఏదైనా చెప్ప‌బోతున్నారా అన్న‌ది విజ‌య్ దేవ‌ర‌కొండ అభిమానుల‌తో పాటు సామాన్య ప్రేక్ష‌కుల్లో ఆస‌క్తిని రేకెత్తిస్తోంది.