త్రివిక్ర‌మ్‌ జీ... మ‌రీ ఇంత చ‌ప్ప‌గానా?!

ఏదైనా స్పెష‌ల్ డే వ‌చ్చిందంటే దాన్ని ఎలా వాడుకొందామా అని ఎదురు చూస్తుంటుంది ఇండ‌స్ట్రీ. సినిమాల్ని ప్ర‌చారం చేసుకోవ‌డానికి ఆ ప్ర‌త్యేక‌మైన రోజుల్ని వాడుకోవ‌డం ఇటీవ‌ల పరిపాటిగా మారింది. కొద్దిమంది ఆడియో ఫంక్ష‌న్లు నిర్వ‌హిస్తే మ‌రికొద్దిమంది టీజ‌ర్ల‌ని విడుద‌ల చేస్తూ అంద‌రి దృష్టినీ ఆక‌ర్షిస్తుంటారు. అలా ఈమ‌ధ్య వ‌చ్చివెళ్లిన వాలైంటైన్స్ డేని కూడా ఇండ‌స్ట్రీ బాగానే వాడుకొంది. కొత్త టీజ‌ర్లు - పోస్ట‌ర్లు బ‌య‌టికొచ్చాయి. వాటికి మీడియాలో కూడా మంచి ప‌బ్లిసిటీనే వ‌చ్చింది. అయితే ఆ రోజు నితిన్ క‌థానాయ‌కుడిగా న‌టిస్తున్న `అఆ` సినిమాకి సంబంధించి పోస్ట‌ర్ కూడా ఒక‌టి బ‌యటికొచ్చింది. కానీ ఆ పోస్ట‌ర్‌ కి మాత్రం కావ‌ల్సినంత ప్ర‌చారం ల‌భించ‌లేదు. చ‌డీచ‌ప్పుడు లేకుండా పోస్ట‌ర్‌ ని విడుద‌ల చేయ‌డ‌మే అందుకు కార‌ణం అని చెప్పొచ్చు. కానీ ఆ పోస్ట‌ర్ మాత్రం చాలా కూల్‌ గా, ఇంట్ర‌స్టింగా ఉంది. స‌మంత చున్నీని క‌ప్పుకొంటూ నితిన్ క‌నిపిస్తున్నాడు. త్రివిక్ర‌మ్‌ లాంటి స్టార్ క‌థానాయ‌కుడి సినిమా అంటే ఆ సంద‌డే వేరు. అంద‌రి దృష్టీ అటువైపే ఉంటుంది. ఇప్పుడు తెర‌కెక్కుతున్న అఆ గురించి కూడా ప్రేక్ష‌కులు ఎదురు చూస్తున్నారు. అన్ని విష‌యాల్లో ప‌క్కా ప్ర‌ణాళిక‌తో ఉండే త్రివిక్ర‌మ్ మ‌రీ ఇంత చ‌ప్ప‌గా వాలైంటైన్స్ డే పోస్ట‌ర్‌ ని విడుద‌ల చేయ‌డ‌మే ఇప్పుడు ఆశ్చ‌ర్యంగా క‌నిపిస్తోంది.