అ..ఆ.. టీజర్ కు ముహూర్తం ఫిక్స్!

కుర్ర హీరో నితిన్ - సౌత్ బ్యూటీ సమంత హీరోయిన్ గా అ..ఆ.. చిత్రాన్ని మాటల మాంత్రికుడుగా టాలీవుడ్ పిలుచుకుంటున్న త్రివిక్రమ్ శ్రీనివాస్ తెరకెక్కించాడు. ఈ మూవీకి సంబంధించిన టాకీ పార్ట్ షూటింగ్ ఇప్పటికే పూర్తైపోయింది. రీసెంట్ గా అన్నపూర్ణ స్టూడియోస్ లో సెట్ వేసి కీలక సన్నివేశాలు చిత్రీకరించగా... ఈ షెడ్యూల్ తో టాకీ కంప్లీట్ అయిందని శామ్స్ స్వయంగా చెప్పేసింది.

అనసూయా రామలింగ్ వర్సెస్ ఆనంద్ విహారి అనే ట్యాగ్ లైన్ తో తెరకెక్కుతోంది అ..ఆ.. ఈ చిత్రం టాకీ పార్టీ పూర్తయిపోవడంతో ప్రస్తుతం పోస్ట్ ప్రొడక్షన్ పనులు స్టార్ట్ చేసేందుకు యూనిట్ సిద్ధమవుతోంది. ఒకట్రెండు పాటలు కూడా షూట్ చేయాల్సి ఉన్నా.. వాటిని కూడా ప్రస్తుత వర్క్స్ తో పాటే కంప్లీట్ చేసేలా ప్లాన్ చేశారు. ఎట్టి పరిస్థితుల్లోనూ సమ్మర్ లోనే అ..ఆ.. ను రిలీజ్ చేయాలన్నది త్రివిక్రమ్ ఆలోచన. అందుకే ఇప్పుడు ప్రమోషన్ కార్యక్రమాలను కూడా మొదలు పెట్టేయబోతున్నారు.

అ..ఆ.. లో నితిన్ - సమంత ల మధ్య కెమిస్ట్రీ సూపర్బ్ గా ఉంటుందని అంటున్నారు. దీన్నే మెయిన్ కాన్సెప్ట్ గా పబ్లిసిటీ చేసేలా టీజర్ కట్ చేస్తున్నారట. ఇప్పటికే టీజర్ కు సంబంధించిన వర్క్స్ దాదాపు కంప్లీట్ అయ్యాయని తెలుస్తోంది. మిక్కీ జే మేయర్ అందిస్తున్న సంగీతం ఆకట్టుకుంటోందని అంటున్నారు. మరో రెండు రోజుల్లో టీజర్ విడుదల డేట్ ను అనౌన్స్ చేసేందుకు అ..ఆ.. యూనిట్ సిద్ధమవుతోంది.