ఫస్ట్ లుక్: ఇంటెన్స్ లుక్ లో ఆది

యువ హీరో ఆది సాయికుమార్ ఈ రోజు పుట్టిన రోజు జరుపుకుంటున్నాడు. ఈ సందర్భంగా ఆది నటిస్తున్న కొత్త సినిమా ఫస్ట్ లుక్ ను రిలీజ్ చేశారు. ఈ ఫస్ట్ లుక్ పోస్టర్ లోనే సినిమా టైటిల్ 'శశి' అని వెల్లడించారు. రొమాంటిక్ ఎంటర్టైనర్ గా తెరకెక్కుతున్న ఈ సినిమాకు శ్రీనివాస్ నాయుడు నడికట్ల దర్శకుడు.

ఫస్ట్ లుక్ పోస్టర్ లో ఆది కోపం పట్టలేక అరుస్తున్నాడు. ఒకవైపు సింగర్ లాగా మైక్ పట్టుకొని పాట పాడుతూ ఉన్నాడు. రెగ్యులర్ స్టైల్ లో కాకుండా గడ్డం లుక్ లో ఆది రఫ్ గా.. డిఫరెంట్ గా కనిపిస్తున్నాడు. ఈ పోస్టర్ చూస్తుంటే ఆది ఒక ఇంటెన్స్ రోల్ లో నటిస్తున్నాడనిపిస్తోంది. ఒక్క షెడ్యూల్ తప్ప ఈ సినిమా షూటింగ్ దాదాపుగా పూర్తయిందట. త్వరలోనే ఈ సినిమా రిలీజ్ డేట్ ఫైనలైజ్ చేస్తారని సమాచారం. ఈ సినిమా లో ఆది సరసన సురభి.. రాశి సింగ్ హీరోయిన్లు గా నటిస్తున్నారు. ఈ సినిమా కు అరుణ్ చిలువేరు సంగీత దర్శకుడు. అమర్ నాథ్ బొమ్మి రెడ్డి సినిమాటోగ్రాఫర్. ఈ సినిమా శ్రీ హనుమాన్ మూవీ మేకర్స్ బ్యానర్ పై తెరకెక్కుతోంది.

ఈమధ్య ఆది నటించిన సినిమాలు వరసగా నిరాశ పరుస్తున్నాయి. 'నెక్స్ట్ నువ్వే'.. 'బుర్రకథ'.. 'జోడీ'.. 'ఆపరేషన్ గోల్డ్ ఫిష్' ఇలా నాలుగు సినిమాలు ఫ్లాపులుగా నిలిచాయి. ఈ ఫ్లాపుల పరంపర నుండి ఆది 'శశి' తో బయటకు వస్తాడా.. తన కెరీర్ లో తిరిగి పుంజుకుంటాడా అనేది వేచి చూడాలి.