పిక్ టాక్: పవర్ ఫుల్ అండ్ స్టైలిష్ విలన్ గా ఆది..!

యంగ్ అండ్ ప్రామిసింగ్ యాక్టర్ ఆది పినిశెట్టి ఓవైపు హీరోగా సినిమాలు చేస్తూనే.. మంచి పాత్ర వచ్చినప్పుడు విలన్ గా సపోర్టింగ్ రోల్స్ చేయడానికి కూడా రెడీ అవుతున్నారు. స్టైలిష్ విలన్ గా.. హీరోకు ఏమాత్రం తగ్గని క్యారెక్టర్ వెయిట్ తో అద్భుతమైన నటనతో అదరగొడుతున్నాడు. ఇప్పుడు ఎనర్జిటిక్ హీరో, ఉస్తాద్ రామ్ పోతినేని హీరోగా తెరకెక్కుతున్న #RAPO19 సినిమాలో ఆది ప్రతినాయకుడిగా నటిస్తున్న సంగతి తెలిసిందే.

నేడు (డిసెంబర్ 14) ఆది పిన్నిశెట్టి పుట్టినరోజు సందర్భంగా RAPO19 టీమ్ శుభాకాంక్షలు తెలిపింది. మనల్ని ఆకట్టుకోవడానికి సిద్ధంగా ఉన్నాడంటూ ఫస్ట్ లుక్ పోస్టర్ ని రిలీజ్ చేసింది. ఇందులో ఆది ట్రిమ్ చేసిన గడ్డంతో ట్రెండీ కాస్ట్యూమ్స్ ధరించి చాలా స్టైలిష్ గా కనిపిస్తున్నారు. హీరో రామ్ కు ధీటుగా విలన్ పాత్ర కూడా ఉండబోతోందని ఈ పోస్టర్ చూస్తే అర్థం అవుతుంది.

'సరైనోడు' 'అజ్ఞాతవాసి' వంటి సినిమాల ఆది విలన్ గా చేస్తున్న ఈ సినిమా.. ఎలాంటి గుర్తింపు తెచ్చిపెడుతుందో చూడాలి. తెలుగు తమిళ భాషల్లో రూపొందుతున్న RAPO19 చిత్రానికి తమిళ స్టార్ డైరెక్టర్ లింగుస్వామి దర్శకత్వం వహిస్తున్నారు. ఇది లింగుసామికి ఫస్ట్ స్ట్రెయిట్ తెలుగు సినిమా. దీన్ని కంప్లీట్ యాక్షన్ ఎంటర్టైనర్ గా తీర్చిదిద్దుతున్నారు.

రామ్ పొతినేని ఈ బైలింగ్వల్ తో తమిళ ఇండస్ట్రీలో అడుగుపెడుతున్నారు. ఇందులో ‘ఉప్పెన’ బ్యూటీ కృతి శెట్టి హీరోయిన్ గా నటిస్తోంది. నదియా - నాజర్ కీలక పాత్రలు పోషిస్తున్నారు. రాక్ స్టార్ దేవిశ్రీ ప్రసాద్ సంగీతం సమకురుస్తున్న ఈ చిత్రానికి సుజీత్ వాసుదేవ్ సినిమాటోగ్రఫీ అందిస్తున్నారు. నవీన్ నూలి ఎడిటింగ్ బాధ్యతలు నిర్వర్తిస్తున్నారు.

ప్రముఖ రచయిత సాయిమాధవ్ బుర్రా ఈ చిత్రానికి డైలాగ్స్ అందిస్తున్నారు. 'కేజీయఫ్' ఫైట్ మాస్టర్ ద్వయం అన్బు-అరివు యాక్షన్ కొరియోగ్రఫీ చేస్తున్నారు. పవన్ కుమార్ సమర్పణలో శ్రీనివాస సిల్వర్ స్క్రీన్ బ్యానర్ పై శ్రీనివాసా చిట్టూరి భారీ బడ్జెట్ తో RAPO19 చిత్రాన్ని నిర్మిస్తున్నారు. ప్రస్తుతం షూటింగ్ దశలో ఉన్న ఈ చిత్రాన్ని వచ్చే ఏడాది ప్రేక్షకుల ముందుకు తీసుకురానున్నారు.