వెక్ట్స్ నువ్వే.. హిట్టు ఖాయమే!!

టాలీవుడ్ లో ఇప్పుడు ట్రెండింగ్ మూవీస్ లో నెక్ట్స్ నువ్వే కూడా చేరిపోయింది. బుల్లితెర మెగాస్టార్ గా పిలిపించుకున్న ప్రభాకర్ దర్శకుడిగా మారి తెరకెక్కిన ఈ చిత్రంపై రోజురోజుకూ అంచనాలు పెరుగుతున్నాయి. మూవీపై ఇండస్ట్రీ అంతటా పాజిటివ్ బజ్ ఉండడం విశేషం. ఆది హీరోగా వైభవి.. రష్మి ప్రధాన పాత్రలలో నటించిన చిత్రం నెక్ట్స్ నువ్వే.

ప్రధానంగా హారర్ కామెడీ జోనర్ కావడం ఈ సినిమాకు అసలు సిసలైన ట్రెండింగ్ పాయింట్ అవుతోంది. ఈ జోనర్ లో వస్తున్న సినిమాలు మినిమం గ్యారంటీగా నవ్వించి భయపెట్ట గలిగినా.. బ్లాక్ బస్టర్స్ అయిపోతున్నాయి. జనాలు ఈ జోనర్ ను బాగా ఎంజాయ్ చేస్తున్నారు. ఇదే ఇప్పుడు నెక్ట్స్ నువ్వే చిత్రానికి అసెట్ అవుతోంది. ఇవాళ సాయంత్రం హైద్రాబాద్ లో నెక్ట్స్ నువ్వే మూవీ ఆడియో లాంఛ్ కార్యక్రమం జరగనుంది. ఈ పాటల వేడుక జరగనున్న సందర్భంగా.. ఇండస్ట్రీ అంతా నెక్ట్స్ నువ్వే మూవీపై బజ్ కనిపిస్తోంది.

ఈ చిత్రానికి గీతా ఆర్ట్స్ అండదండలు ఉండడం గమనించాల్సిన విషయం. మూవీలో కంటెంట్ ఏ మాత్రం డౌన్ అయినా.. అల్లు అరవింద్ తరఫు నుంచి ఇంతగా సపోర్ట్ లభించదు. గీతా ఆర్ట్స్ నుంచి నెక్ట్స్ నువ్వేకు అందుతున్న సపోర్ట్ చూస్తుంటే.. ఔట్ పుట్ కచ్చితంగా అద్భుతంగా ఉంటుందని ఇండస్ట్రీ జనాలు అనుకుంటున్నారు.