'ఫిష్' మరీ లేటయిందే

'వినాయకుడు' - 'కేరింత' దర్శకుడు సాయి కిరణ్ అడివి ఆది సాయి కుమార్ - మనోజ్ నందం - కృష్ణుడు ఇంకొంత మందిని పెట్టి 'ఆపరేషన్ గోల్డ్ ఫిష్' అనే విభిన్న కథతో సినిమా చేసాడు. అప్పుడెప్పుడో షూటింగ్ జరుగుతుండగానే ప్రమోషన్స్ కూడా మొదలెట్టి ఏదో హంగామా చేసారు. కాలేజిలు గట్రా కూడా చూట్టేసారు. ఓ రెండు మూడు రిలీజ్ డేట్స్ అనుకొని మళ్ళీ వెనక్కి వెళ్లారు.

ఇక ఓ స్టేజిలో ఈ సినిమా రిలీజ్ ఉండదనే టాక్ కూడా వచ్చింది. ఇప్పుడు మళ్ళీ సినిమాకు సంబంధించి కొత్త డేట్ అనౌన్స్ చేసారు. అక్టోబర్ 18 న రిలీజ్ అంటూ ప్రకటించారు. అయితే ఈ డేట్ కి సినిమా వస్తుందా.. రాదా అనేది కూడా డౌటే అనిపిస్తుంది. సినిమాకు అనుకున్నదానికంటే కొంచెం బడ్జెట్ కూడా పెరిగిందనే టాక్ ఉంది. క్రేజ్ లేని స్టార్ట్ మీద చాలా ఎక్కువే పెట్టారని తెలుస్తుంది. అందుకే సినిమాకు బిజినెస్ పెద్దగా జరగలేదట. ఆ రీజన్ తోనే ఇన్ని రోజులు పోస్ట్ పోన్ చేస్తూ వచ్చారు. ఇక ఎట్టకేలకు ఇప్పుడు కొత్త డేట్ లాక్ చేసుకున్నారు.

కాశ్మీర్ నేపథ్యంలో పాట్రోయిటిక్ యాక్షన్ థ్రిల్లర్ గా తెరకెక్కిన ఈ సినిమాలో రచయిత అబ్బూరి రవి విలన్ గా నటించాడు. ఈ సినిమాతో ఆయన నటుడిగా పరిచయం అవుతున్నాడు. మరి ఈ చోటా గ్యాంగ్ తో ఫిష్ ని పట్టుకొని ఈ సాఫ్ట్ డైరెక్టర్ హిట్టు కొడతాడా చూడాలి.