అజ్ఞాతవాసీ.. విలన్ సీన్స్ కే విజిల్స్

ఓ సినిమాలో విలన్ ఎంతటి పవర్ ఫుల్ గా ఉంటే.. హీరో చూపే హీరోయిజంకు అంత క్రేజ్ వస్తుంది. పవన్ కళ్యాణ్ మూవీ అజ్ఞాతవాసి ఆడియన్స్ ను మాత్రమే కాదు.. ఫ్యాన్స్ ను కూడా బాగా డిజప్పాయింట్ చేసిందంటూ ప్రచారం బాగానే జరుగుతోంది. మామూలుగా అయితే పవన్ స్క్రీన్ మీద కనిపిస్తే చాలు ఫ్యాన్స్ వెర్రెత్తిపోతారు. థియేటర్లలో పడే విజిల్స్.. వినిపించే కేకలే ఇందుకు సాక్ష్యం.

అజ్ఞాతవాసిలో ఇలాంటి మూమెంట్స్ చాలా తక్కువగానే కాదు.. వేళ్లమీద లెక్కపెట్టే స్థాయిలో కూడా కనిపించలేదు. అభిమానులు డిజప్పాయింట్ కావడంలో ఇది కీలకమైన విషయం. అసలు గూస్ బంప్స్ మూమెంట్సే లేకుండా ఫ్లాట్ గా సాగుతున్న సినిమాలో.. విలన్ ఇంట్రడక్షన్ సీన్ ఆరంభం కాగానే జనాల్లో ఊపు వస్తోండడం విశేషం. అజ్ఞాతవాసిలో విలన్ గా నటించాడు యంగ్ హీరో ఆది పినిశెట్టి. వరుసగా తెలుగు సినిమాల్లో కీలక పాత్రలు పోషిస్తన్న ఆది కనిపించగానే.. థియేటర్లో విజిల్స్ మీద విజిల్స్ వినిపిస్తున్నాయి. ప్రస్తుతం ఈ యంగ్ హీరో తన క్రేజ్ ఎలా పెంచుకుంటున్నాడో.. యూత్ కు ఎలా కనెక్ట్ అవుతున్నాడో చెప్పేందుకు ఇది సాక్ష్యం.

పవన్ కళ్యాణ్ ఇంట్రడక్షన్ తర్వాత.. సినిమాలో ఆది పినిశెట్టి కనిపించినపుడే మళ్లీ థియేటర్ లో విజిల్స్ వినిపించాయంటే.. అజ్ఞాతవాసి మరీ ఏ రేంజ్ ఫ్లాట్ గా కనిపించిందో అర్ధం చేసుకోవచ్చు. అయితే.. ఈ పాత్రను కూడా మరీ తీసికట్టుగానే డెవలప్ చేశాడు దర్శకుడు. అందుకే సినిమా అయిపోయిన తర్వాత ఆ పాత్ర కూడా పెద్దగా జనాలకు గుర్తుండదు.