రామ్ చ‌ర‌ణ్ కోసం స‌రైన విల‌న్‌

తెలుగులో హీరోగా అరంగేట్రం చేసి.. ఇక్క‌డ ఫెయిల‌య్యాక త‌మిళంలోకి వెళ్లి అక్క‌డ హీరోగా మంచి పేరు సంపాదించి.. ఆపై తెలుగులోకి ‘స‌రైనోడు’ సినిమాతో విల‌న్ గా రీఎంట్రీ ఇచ్చి మ‌న ప్రేక్ష‌కుల‌కు చేరువైన తెలుగు న‌టుడు ఆది పినిశెట్టి. ‘లెజెండ్’ సినిమాతో జ‌గ‌ప‌తిబాబు కెరీర్ ను మ‌లుపు తిప్పిన‌ట్లే.. ‘స‌రైనోడు’తో ఆది కెరీర్ ను కూడా ట‌ర్న్ చేశాడు బోయ‌పాటి. ఆ సినిమా త‌ర్వాత ఆదికి తెలుగులో మంచి మంచి అవ‌కాశాలు వ‌స్తున్నాయి. ఆల్రెడీ నాని సినిమాలో కీల‌క పాత్ర చేస్తున్న ఆది.. ఇప్పుడు మ‌రో బంప‌ర్ ఆఫ‌ర్ ప‌ట్టేసిన‌ట్లు స‌మాచారం. రామ్ చ‌ర‌ణ్‌-సుకుమార్ కాంబినేష‌న్లో మొద‌లైన కొత్త సినిమాలో విల‌న్ పాత్ర‌ధారి ఆదియేన‌ని సమాచారం.

ఈ సినిమాలో విల‌న్ పాత్ర ఎవ‌రితో చేయించాల‌నే విష‌యంలో చాలా ఆలోచించిన సుకుమార్‌.. ఆదిని ఫైన‌లైజ్ చేసేశాడ‌ట‌. సుకుమార్ లాస్ట్ మూవీ ‘నాన్న‌కు ప్రేమ‌తో’లో విల‌న్ గా చేసిన జ‌గ‌ప‌తి బాబు కూడా చ‌ర‌ణ్ సినిమాలో న‌టిస్తున్నాడు. ఐతే ఆయ‌న‌ది విల‌న్ పాత్ర కాదు. సినిమా సినిమాకు కొత్త ద‌నం చూపించే సుక్కు.. జ‌గ‌ప‌తితోనే మ‌ళ్లీ విల‌న్ పాత్ర చేయించాల‌ని అనుకోలేదు. సుక్కు సినిమాలో విల‌న్ పాత్ర ఎంత బ‌లంగా ఉంటుందో ప్ర‌త్యేకంగా చెప్పాల్సిన ప‌ని లేదు. అందులోనూ చ‌ర‌ణ్ తో చేయ‌బోయేది పీరియ‌డ్ ఫిల్మ్. గ్రామీణ నేప‌థ్యంలో సాగుతుంది. ఈ నేప‌థ్యంలో ఆది లాంటి మంచి న‌టుడికి గుర్తుండిపోయే పాత్రే ద‌క్కుతుంద‌న‌డంలో సందేహం లేదు. ఆది రాక‌తో ఈ సినిమాపై హైప్ మ‌రింత పెరుగుతుంది కూడా.

Like Us on Facebook : https://www.facebook.com/Tupakidotcom/