ట్రైలర్ టాక్‌ : యూత్‌ ఫుల్ బోల్డ్ కంటెంట్‌ తో ఆకాశ వీధుల్లో

ఈ మధ్య కాలంలో యూత్ ఆడియన్స్ దృష్టిని ఆకర్షించేందుకు కాస్త బోల్డ్ కంటెంట్‌ ను సినిమాలో జొప్పించాల్సి వస్తోంది. అలా బోల్డ్‌ కంటెంట్‌ తో వచ్చిన అర్జున్ రెడ్డి ఇంకా కొన్ని సినిమాలు మంచి విజయాన్ని సొంతం చేసుకున్నాయి. ఫ్యామిలీ ఆడియన్స్ ని పక్కన పెడితే యూత్‌ లో ఇలాంటి సినిమాలకు మంచి క్రేజ్‌ ఉంది. త్వరలో రాబోతున్న ఆకాశ వీధుల్లో సినిమా కూడా ఆ తరహాకి చెందినదిగా ట్రైలర్ చూస్తుంటే అనిపిస్తుంది.

హీరో గౌతమ్ కృష్ణ చాలా బోల్డ్ గా మాస్ గా కనిపిస్తున్నాడు. అక్కడ మందు దొరడకం లేదు అంటూ గోవా వరకు వచ్చాను అంటూ హీరో చెప్పే డైలాగ్ ఆయన పాత్ర ఎలా ఉంటుందో చెప్పకనే చెప్పినట్లుగా ఉంది. హీరోయిన్ గా పూజిత పొన్నాడ నటించింది. ఆమె గతంలో నటించిన సినిమాల్లో ఎక్కువగా హాట్‌ సన్నివేశాలు.. రొమాంటిక్ సన్నివేశాలు చేయలేదు.

ఈ సినిమా కోసం హీరో గౌతమ్ కృష్ణ తో లిప్ లాక్ చేయడంతో పాటు చాలా బోల్డ్‌ గా కూడా నటించినట్లుగా ట్రైలర్ ను చూస్తూ ఉంటే అర్థం అవుతోంది. అర్జున్ రెడ్డి రేంజ్ రొమాంటిక్ కమ్‌ లిప్ లాక్ సన్నివేశాలు లేక పోవచ్చు కానీ ఈ సినిమా లో కూడా యూత్‌ ను కట్టిపడేసే అలాంటి సన్నివేశాలు చాలానే ఉన్నట్లుగా అనిపిస్తుంది అంటూ ట్రైలర్ చెప్పకనే చెబుతోంది.

గౌతమ్‌ కృష్ణ హీరోగానే కాకుండా ఈ సినిమాకు దర్శకుడిగా కూడా వ్యవహరించాడు. తాను అనుకున్న కథను గౌతమ్‌ కృష్ణ కాస్త ఎక్కువగానే ఖర్చు చేసి ఆకాశ వీధుల్లో సినిమాను రూపొందించినట్లుగా ఉన్నాడు. సినిమా సెప్టెంబర్‌ 2వ తారీకున ప్రేక్షకుల ముందుకు రాబోతుంది. ట్రైలర్ విడుదలకు ముందే పాట మరియు టీజర్ తో యూత్‌ దృష్టిని ఆకర్షించారు.

ఇప్పుడు ట్రైలర్‌ విడుదల తర్వాత స్థాయి మరింతగా పెరిగింది అనడంలో సందేహం లేదు. యూత్‌ కు నచ్చే మెచ్చే సన్నివేశాలు చాలానే ఉండటం వల్ల తప్పకుండా ఈ సినిమా బాక్సాఫీస్‌ వద్ద సందడి చేసే అవకాశాలు లేకపోలేదు అంటూ ఇండస్ట్రీ వర్గాల వారు అభిప్రాయం వ్యక్తం చేస్తున్నారు.

ట్రైలర్ కి పాజిటివ్‌ రెస్పాన్స్ వచ్చిన నేపథ్యంలో సినిమా పై ఆసక్తి పెరింది. మరి ట్రైలర్ కి తగ్గట్లుగా సినిమా ఉంటుందా అనేది చూడాలి.