ఫోటో స్టోరి: కూతుళ్లతో ఆమిర్ పోజులు

మిస్టర్ పర్ఫెక్షనిస్ట్ ఆమిర్ ఖాన్ లేటెస్ట్ మూవీ 'డంగల్' రిలీజ్ కి రెడీ అయిపోతోంది. ఇప్పటికే పూర్తయిపోయిన ఈ చిత్రం డిసెంబర్ లో విడుదల కానుంది. క్రిస్మస్ కానుకగా డిసెంబర్ 23న విడుదల చేయనున్నారు. తన ప్రతీ చిత్రానికి డిఫరెంట్ గా ప్రమోషన్స్ చేస్తూ ఆకట్టుకునే ఆమిర్ ఖాన్.. ఇప్పుడా సెలబ్రేషన్స్ తన స్టైల్ లో స్టార్ట్ చేసేశాడు.

ఫెమినా మేగజైన్ కవర్ పేజ్ పై.. ఇద్దరు భామలతో కలిసి పోజులు ఇచ్చాడు ఆమిర్. డిజైనర్ సూట్.. డిఫరెంట్ గా కట్ చేసిన గడ్డం.. మ్యాన్లీ నెస్ కి మరోపేరులా ఉన్నాడు ఆమిర్. ఈ ఫోటోలో మరో ఇద్దరు భామలు కూడా ఉన్నారు. వాళ్లిద్దరి పేర్లు ఫాతిమా సనా షేక్.. సాన్యా మల్హోత్రా. ఆమిర్ కి కాసింత దూరంగా నిలబడి ఒకరు.. కూర్చుని మరొకరు గ్లామర్ అద్దుతున్నారు. వీళ్లెవరో కాదు.. ఆమిర్ ఖాన్ కూతుళ్లే.

కాకపోతే ఆన్ స్క్రీన్ డాటర్స్ అన్నమాట. డంగల్ మూవీలో ఆమీర్ పెద్ద కూతురు గీతా ఫొగట్ గా ఫాతిమా సనా షేక్ నటించగా.. బబితా కుమారి గా సాన్యా మల్హోత్రా యాక్ట్ చేసింది. ఇప్పుడు వీరంతా కలిసి ఫోటో షూట్స్ చేస్తూ.. డంగల్ ప్రమోషన్స్ ను అఫీషియల్ గా స్టార్ట్ చేసేశారు.



Like Us on Facebook : https://www.facebook.com/Tupakidotcom/