అమీర్ అంతలేసి పెంచేశాడా.. అమ్మో!!

ఓ సినిమా కోసం మాగ్జిమం ఎంతగా ఎఫర్ట్ పెట్టచ్చు? ఈ క్వశ్చన్ కి ఆన్సర్ ని మాటల్లో కాకుండా చేతల్లో చెప్పగలిగే వాళ్లు చాలా తక్కువమంది ఉంటారు. సౌత్ లో అయితే కమల్ హాసన్ తోపాటు ఈ జనరేషన్ లో విక్రమ్.. ఓ మూవీ కోసం తెగ కష్టపడుతూ ఉంటాడు. బాలీవుడ్ లో మాత్రం ఇలా ఒళ్లొంచే స్టార్ హీరో అమీర్ ఖాన్ ఒక్కడే. ఈ విషయంలో ఏమన్నా డౌట్స్ ఉంటే.. రీసెంట్ గా రిలీజ్ అయిన డంగల్ పోస్టర్ చూస్తే అన్నీ క్లియర్ అయిపోతాయి.

మహావీర్ ఫొగట్ జీవిత చరిత్ర ఆధారంగా డంగల్ మూవీ చేస్తున్నాడు అమీర్. ఈ సినిమాలో మల్లయుద్ధ వీరుడిగా కనిపించనున్నాడీ మిస్టర్ పర్ఫెక్ట్. తన కూతుళ్లకు రెజ్లింగ్ నేర్పించి విన్నర్స్ గా నిలిపే రోల్ ఇది. ఈ చిత్రానికి సంబంధించి దాదాపు చాలావరకు సీన్స్ పిక్చరైజేషన్ పూర్తయిపోయింది. మహావీర్ కుర్రాడిగా ఉన్నప్పటి సీన్స్ మాత్రం ఇంకా పిక్చరైజ్ చేయాల్సి ఉంది. తండ్రి పాత్ర కోసం బాగా లావుగా కనిపించిన అమీర్.. ఇప్పుడు కుర్ర మహావీర్ కోసం కంప్లీట్ మేకోవర్ చూపించాడు.

జిమ్ లో ఎక్సర్ సైజ్ లు చేస్తున్న అమీర్ ఖాన్ ఫోటోను రిలీజ్ చేశారు. భారీ దేహంతో ఒళ్లంతా బిగదీసిన కండలతో ఉన్న ఫర్ఫెక్షనిస్ట్ చూస్తే ఎవరైనా డంగై పోవాల్సిందే. స్క్రీన్ పై నిండైన విగ్రహంతో కనిపించేందుకు.. ఇంత కష్టపడి బాడీ, మజిల్స్ పెంచడం అంటే.. అమీర్ కి తప్ప వేరే ఎవరికీ సాధ్యం కాదని చెప్పచ్చు. ఈ డంగల్ చిత్రం ఈ ఏడాది క్రిస్మస్ సందర్భంగా రిలీజ్ చేయనున్నారు.