కలెక్షన్స్ లో అమీర్ ట్రాక్ రికార్డ్ ఇది!

బాలీవుడ్ "మిస్టర్ ఫర్‌ ఫెక్ట్" అమీర్ ఖాన్‌ నటించిన బాలీవుడ్‌ సినిమా "దంగల్‌" బాక్సాఫీసు వద్ద భారీ వసూళ్లతో దూసుకుపోతున్న సంగతి తెలిసిందే. సినిమాపై అమీర్ కు ఏ స్థాయి పేషన్ ఉందో చెప్పడానికి ఈ సినిమా మరో ఉదాహరణ అని చెబుతున్నారు సినీ జనాలు. అమీర్ నటన, అమ్మాయిల ఫెర్మార్మెన్స్, డైరెక్షన్... ఏ రకంగా చూసుకున్నా రికార్డులకు, ఆల్ టైం రికార్డులకు ఈ సినిమాకు పూర్తి అర్హతలు ఉన్నాయనేది విశ్లేషకుల ఏకాభిప్రాయం! ఈ క్రమంలో ఇప్పటికే "పీకే" రికార్డులను దాటేసిన "దంగల్" సినిమాతో మరికొన్ని రికార్డులు అమీర్ కు మాత్రమే సాధ్యమని ఇప్పటికే చెప్పిన విషయాలు మరోసారి వెలుగులోకి వస్తున్నాయి.

బాలీవుడ్ లో అమీర్ ఖాన్ స్థానం ఏమిటి అనేది చెప్పడానికి తాజాగా కొన్ని విషయాలు ఆన్ లైన్ లో హల్ చల్ చేస్తున్నాయి. బాలీవుడ్ లో మొదటి 100కోట్ల మార్కును అందుకున్న తొలి సినిమా "గజనీ" కాగా - 200కోట్ల మార్కును దాటిన రెండో సినిమా "త్రీ ఈడియట్స్". ఇదే క్రమంలో 300కోట్ల మార్కును దాటిన తొలిసినిమా 2014లో విడుదలైన "పీకే" కాగా తాజాగా 350కోట్ల మార్కును దాటిన సినిమాగా "దంగల్" రికార్డులు సృష్టిస్తుంది. ఈ లెక్కల ప్రకారం చూసుకుంటే... బాలీవుడ్ లో కలెక్షన్స్ విషయంలో నమోదైన ప్రతీ తొలి రికార్డు అమీర్ పేరున ఉందనే చెప్పాలి.

ఇక హైయెస్ట్ గ్రాసర్స్ గా టాప్ 4 లో చోటు సంపాదించుకున్న దంగల్ - పీకే - బజరంగీ బాయ్ జాన్ - సుల్తాన్ లో రెండు సినిమాలు అమీర్ వే కావడం గమనార్హం. ఈ రేంజ్ లో రికార్డుల విషయంలో బాలీవుడ్ "మిస్టర్ ఫర్ ఫెక్ట్" దూసుకుపోతున్నాడు!!

Like Us on Facebook : https://www.facebook.com/Tupakidotcom/