ఆ మూవీకి అమీర్ స‌ర్టిఫికేట్‌

కొంత‌మంది మాట‌ల‌కు ఉండే విలువ అంతా ఇంతా కాదు. బాలీవుడ్ అగ్రహీరోల్లో ఒకరు అమీర్ ఖాన్. త‌న‌కు న‌చ్చిన విష‌యాన్ని వెంట‌నే పంచేసుకుంటాడు. న‌చ్చ‌ని విష‌యాన్ని ఎంత చెప్ప‌మ‌న్నా చెప్ప‌ని తీరు అత‌గాడి సొంతం. ఏదైనా సినిమా న‌చ్చితే.. ఆ మూవీ చిన్న‌దా? పెద్ద‌దా? అన్న విష‌యాన్ని ప‌ట్టించుకోకుండా కాంప్లిమెంట్ ఇచ్చేయ‌టం ఆయ‌న‌కు అల‌వాటు.

తాజాగా అలాంటి కాంప్లిమెంట్ మాత్ర‌మే కాదు.. సినిమా బాగుంద‌న్న స‌ర్టిఫికేట్ తో పాటు.. అప్పుడ‌ప్పుడు మాత్ర‌మే ఇలాంటి సినిమాలు వ‌స్తాయి.. మిస్ కాకండి అంటూ చెప్ప‌టం మాట‌లా? ఈ రోజు రిలీజ్ అయిన హిచ్ కి మూవీకి అమీర్ స‌ర్టిఫికేట్ ఇచ్చేశారు. రాణిముఖ‌ర్జీ ప్ర‌ధాన‌పాత్ర‌లో పోషిస్తున్న ఈ మూవీని య‌శ్ రాజ్ ఫిలిమ్స్ నిర్మించింది.

సిద్దార్థ్ మ‌ల్హోత్రా ద‌ర్శ‌క‌త్వం వ‌హించిన ఈ సినిమా గురించి అమీర్ ఖాన్ ట్వీట్ చేస్తూ.. చాలా కాలం త‌ర్వాత ఒక మంచి సినిమా చూశాను. గొప్ప క‌థ‌.. అద్భుత‌మైన న‌ట‌న‌.. సూప‌ర్ సినిమా.. ఆద్యంతం ఆస‌క్తిని క‌లిగించేలా ఉంది.. అదే హిచ్ కి మూవీ..ద‌యచేసి ఈ సినిమాను మిస్ కావొద్దు. చిత్ర బృందానికి ధన్య‌వాదాలు అంటూ ముగించారు. అమీర్ అంత‌టోడు ఇంత‌పెద్ద కాంప్లిమెంట్ ఇచ్చాక స‌ద‌రు సినిమా సుడి తిర‌గ‌కుండా ఉంటుందా?