సూపర్ స్టార్ కి సీక్రెట్ సూపర్ స్టార్ పోటీ

దంగల్ మూవీతో సూపర్ సక్సెస్ సాధించిన బాలీవుడ్ మిస్టర్ పర్ఫెక్షనిస్ట్ ఆమిర్ ఖాన్ నటిస్తున్న నెక్ట్స్ మూవీ సీక్రెట్ సూపర్ స్టార్. దంగల్ ఫేమ్ జైరా వాసిం.. మెహర్ విజ్ లు కీలక పాత్రలు పోషిస్తున్న ఈ మూవీలో.. ఆమిర్ ఖాన్ కాస్త ఎక్కువ సేపు కనిపించే గెస్ట్ రోల్ చేస్తున్నాడు. సీక్రెట్ సూపర్ స్టార్ కి నిర్మాతలు కూడా ఆమిర్ ఖాన్.. అతని భార్య కిరణ్ రావులే.

ఈ చిత్రాన్ని ఆగస్ట్ 4న విడుదల చేయాలని మొదట భావించినా.. ఇప్పుడు రిలీజ్ డేట్ ని దీపావళికి మార్చేయడం సెన్సేషన్ అవుతోంది. దీపావళికి శంకర్ దర్శకత్వంలో రజినీకాంత్ మూవీ 2.0 రిలీజ్ కానుండడమే ఇందుకు కారణం. దేశవ్యాప్తంగా గ్రాండ్ రిలీజ్ అవుతున్న రోబో సీక్వెల్ కు పోటీగా.. తన చిత్రాన్ని విడుదల చేసేందుకు ఆమిర్ డిసైడ్ కావడం ఆశ్చర్యకరంగానే చెప్పాలి. ఆమిర్ ఖాన్ నటించినా సరే.. రోబోతో పోల్చితే సీక్రెట్ సూపర్ స్టార్ చిన్న సినిమా. ఇందులో ఆమిర్ ది జస్ట్ కేమియో కావడమే ఇందుకు కారణం.

అయితే.. 2.0కు పోటీగా ఈ మూవీ రిలీజ్ చేయాలని ఆమిర్ భావించలేదని.. ముందుగానే రజినీతో ఈ విషయంపై మాట్లాడి.. ఆయన ఆశీర్వాదాలు అందుకున్నారే ఆమిర్ ఖాన్ నుంచి అనౌన్స్ మెంట్ వచ్చిందని అంటున్నారు. కారణాలు ఏవైనా.. ఈ సారి దీపావళి మాత్రం ఆమిర్ వర్సెస్ రజినీకాంత్ గా మారడం మాత్రం ఖాయం.

Like Us on Facebook : https://www.facebook.com/Tupakidotcom/