మూవీ కోసం పీకే కి సెక్యూరిటీ

స్టార్ వార్స్ ది ఫోర్స్ ఎవేకెన్స్ మూవీ ఇండియాలో క్రిస్మస్ రోజన గ్రాండ్ రిలీజ్ అవుతోంది. అమెరికా లాంటి దేశాల్లో ఇప్పటికే విడుదలై సంచలనాలు సృష్టిస్తున్న ఈ మూవీని.. క్రిస్మస్ ముందు రోజన మన దేశంలో ప్రీమియర్ షో వేశారు. ముంబై ప్రీమియర్ కి బాలీవుడ్ ప్రముఖులు చాలామంది వచ్చారు. వీరిలో అమీర్ ఖాన్ కూడా ఉన్నాడు.

భార్య కిరణ్ రావ్ - కూతురు ఇరాతో కలిసి.. ముంబై సబర్బన్ మల్టీప్లెక్స్ లో స్టార్ వార్స్ ను చూశాడు అమీర్. సినిమాకి రావడం విశేషం కాదు కానీ.. ఇందుకోసం ఈ ఖాన్ సెక్యూరిటీ అరేంజ్ మెంట్స్ చూస్తే.. ఆశ్చర్యం వేయకమానదు. దేశంలో మత అసహనం పెరిగిపోతోందని, దేశం విడిచి వెళ్లాలా అని తన భార్య అడుగుతోందని చెప్పినప్పటి నుంచి.. అమీర్ పరిస్థితి బయట తిరక్కుండా అయిపోయింది. ఎక్కడన్నా కనిపించినా.. బోలెడంత సెక్యూరిటీ పెట్టుకుని తిరగాల్సి వస్తోంది. ఇలాంటి సమయంలో అమీర్ ఖాన్ పై ఏదన్నా దాడి జరిగితే.. అది ఇంకా సీరియస్ ఇష్యూ అవుతుందనే ఉద్దేశ్యంతో.. మహరాష్ట్ర ప్రభుత్వం కూడా ఇంటా బయటా అమీర్ కి బోలెడన్ని సెక్యూరిటీ అరేంజ్మెంట్స్ చేసింది.

ఇప్పుడు సినిమా కోసం కూడా గన్ మెన్ ని వెంటబెట్టుకుని సినిమాకి రావాల్సి వచ్చింది అమీర్ కి. పీకే పేరుతో వేరే గ్రహం నుంచి దిగొచ్చిన ఓ కేరక్టర్ తో దేశంలోనే బిగ్గెస్ట్ హిట్ తీశాడు ఈ స్టార్ హీరో. అలాంటిది వేరే గ్రహం నుంచి జీవాలు తరలొచ్చే కాన్సెప్ట్ తో వచ్చిన స్టార్ వార్స్ చిత్రానికి.. తోడు లేకుండా రాలేకపోవడం ఆశ్చర్యకరమైన విషయమే.