ఫస్ట్ లుక్: మీట్ Mr. పర్ఫెక్షనిస్ట్ 'ఫిరంగి'

Mr. పర్ఫెక్షనిస్ట్ తాజా చిత్రం 'థగ్స్ ఆఫ్ హిందూస్తాన్' పై అంతటా ఆసక్తి నెలకొని ఉంది. ఇప్పటికే ప్రమోషన్స్ మొదలు పెట్టిన ఫిలింమేకర్స్ ఈ సినిమాలో కీలకపాత్రలు పోషిస్తున్న వారి ఫస్ట్ లుక్స్ ను రిలీజ్ చేశారు. అమితాబ్ బచ్చన్ ను ఖుదాబక్ష్ గా.. ఫాతిమా సనా షేక్ ను జఫీరా గా.. కత్రినా కైఫ్ ను సురయ్యా జాన్ గా ఇప్పటికే పరిచయం చేసిన 'థగ్స్..' టీమ్ తాజాగా ఆమిర్ ఖాన్(అమీర్ ఖాన్ అని కూడా అనుకోవచ్చు.. మనోళ్లందరూ అలానే పిలుస్తారుగా! ) ఫస్ట్ లుక్ మోషన్ పోస్టర్ ను రిలీజ్ చేశారు.

ఆమిర్ ఈ సినిమాలో 'ఫిరంగి' పాత్రలో నటిస్తున్నాడని పరిచయం చేశారు. ఇక గెటప్ మాత్రం అదిరిపోయింది.. ఒక బందిపోటు ఎలా ఉంటాడో కరెక్ట్ గా అలా దిగిపోయాడు. గ్రీన్ జాకెట్ గజిబిజిగా ఉన్న కాస్త పొడవాటి జుట్టు.. పైన ఒక హ్యాట్ తో గాడిద పైన కూర్చుని స్మైల్ ఇస్తూ ఫన్నీగా సెల్యూట్ చేస్తున్నాడు. ఇక అన్నిటికంటే ఎక్కువగా ఆకర్షించేది.. మందు సీసా. అంటే గజ దొంగే కాదు.. గజ తాగుబోతని హింట్ ఇచ్చేసినట్టే. ఓవరాల్ గా ఆమిర్ ఫస్ట్ లుక్ మాత్రం సినిమాపై అంచనాలను మరింతగా పెంచేదిగా ఉంది.

విజయ్ కృష్ణ ఆచార్య డైరెక్షన్ లో తెరకెక్కుతున్న ఈ సినిమాను యాష్ రాజ్ ఫిలిమ్స్ వారు నిర్మిస్తున్నారు. 1936 నాటి కన్ఫెషన్స్ ఆఫ్ ఎ థగ్ అనే నవల ఆధారంగా ఈ సినిమా తెరకెక్కుతోంది. ఈ సినిమాను దీపావళి సందర్భంగా నవంబర్ 8 న రిలీజ్ చేస్తున్నారు.