చిరు పవన్ లతో పని చేస్తా: ఆమిర్

బాలీవుడ్ మిస్టర్ పర్ఫెక్షనిస్ట్ ఆమిర్ ఖాన్ లేటెస్ట్ మూవీ దంగల్.. అటు హిందీతో పాటు ఇటు తెలుగు తమిళ భాషల్లో కూడా ఏకకాలంలో రిలీజ్ అవుతోంది. సౌత్ నుంచి భారీ కలెక్షన్స్ రాబడుతున్న ఇతర బాలీవుడ్ స్టార్స్ మాదిరిగా.. తన చిత్రానికి కూడా మంచి వసూళ్లు సాధించడానికి.. ఈసారి నేరుగా డబ్బింగ్ వెర్షన్స్ ని విడుదల చేస్తున్నాడు ఆమిర్.

హిందీ ప్రమోషన్స్ చేస్తూనే.. అదే సమయంలో ఇక్కడి స్థానిక వెర్షన్స్ కు ప్రచారం చేయడానికి కూడా టైం కేటాయించాడీ మిస్టర్ పర్ఫెక్ట్. ఇందులో భాగంగా హైద్రాబాద్ కు వచ్చినపుడు ఆమిర్ కు పలు ఆసక్తికరమైన ప్రశ్నలు ఎదురయ్యాయి. తెలుగులో ఎవరితో వర్క్ చేయాలని అనుకుంటున్నారు అని అడిగితే.. 'తెలుగులో అయితే నేను చిరంజీవి గారికి బిగ్ ఫ్యాన్ ని.. ఆయన బ్రదర్ పవన్ కళ్యాణ్ సినిమాలన్నా ఇష్టం. వారిద్దరితో కలిసి పని చేయాలని అనుకుంటున్నా. నేరుగా సినిమా చేయాలని ఉన్నా.. అది డైరెక్టర్ ఛాయిస్' అన్నాడు ఆమిర్ ఖాన్.

ఇక తమిళ్ విషయానికొస్తే 'రజినీకాంత్ తో చేయాలని ఉంది' అని చెప్పాడు ఆమిర్. ఇక రాజమౌళి దర్శకత్వంలోనూ చేయాలని ఉందని చెప్పిన ఈ మిస్టర్ పర్ఫెక్ట్.. ఒకవేళ జక్కన్న మహాభారత్ ను తీస్తే.. అందులో కృష్ణుడు-కర్ణుడు పాత్రల్లో ఒకటి చేయాలని అనుకుంటున్నా. కృష్ణుడు పాత్ర నాకు చాలా ఇష్టం అన్నాడు ఆమిర్ ఖాన్.

Like Us on Facebook : https://www.facebook.com/Tupakidotcom/