'ఆరాట్టు' టీజర్: కంప్లీట్ యాక్టర్ నోట తెలుగు మాట..!

కంప్లీట్ యాకర్ట్ మోహన్ లాల్ నటిస్తున్న లేటెస్ట్ మాస్ యాక్షన్ ఎంటర్టైనర్ ''ఆరాట్టు''. 'దృశ్యం 2' వంటి సూపర్ హిట్ సినిమా తర్వాత వస్తున్న ఈ సినిమాపై భారీ అంచనాలు ఉన్నాయి. మోహన్ లాల్ తో ఇంతకముందు 'గ్రాండ్ మాస్టర్' 'మిస్టర్ ఫ్రాడ్' 'విలన్' లాంటి సినిమాలు తెరకెక్కించిన బి. ఉన్నికృష్ణన్ ఈ చిత్రానికి దర్శకత్వం వహిస్తున్నారు. ఇప్పటికే విడుదలైన ప్రచార చిత్రాలు మంచి రెస్పాన్స్ తెచ్చుకున్నాయి. ఈ క్రమంలో విషు పండుగను పురస్కరించుకుని తాజాగా ‘ఆరాట్టు’ సినిమా టీజర్ ను చిత్ర బృందం విడుదల చేసింది.

'ఆరాట్టు' టీజర్ లో మోహల్ లాల్ తరహా హై ఆక్టేన్ యాక్షన్ సన్నివేశాలు.. అదిరిపోయే బ్యాగ్రౌండ్ మ్యూజిక్.. మంచి విజువల్స్ తో అలరిస్తోంది. కంప్లీట్ యాక్టర్ ఇందులో స్టైలిష్ గా ఆకర్షణీయంగా కనిపిస్తున్నారు. పంచె కట్టుకొని ఆయన చేస్తున్న ఫైట్స్ ఈ టీజర్ లో స్పెషల్ అట్రాక్షన్ గా నిలిచాయి. ఇక చివరిలో ఆయన తెలుగులో డైలాగ్ చెప్పడం విశేషం. 'నేను వాడిని చంపేస్తాను' అని చెప్పే తెలుగు డైలాగ్ తో టీజర్ పూర్తవుతుంది. దీనిని బట్టి చూస్తే ఈ సినిమా స్టోరీకి తెలుగు ప్రాంతానికి లింక్ ఉన్నట్లు అనిపిస్తోంది. మొత్తం మీద ఈ టీజర్ ఫెస్టివల్ కి ఫ్యాన్స్ కి ట్రీట్ అనే చెప్పాలి.

ఈ చిత్రంలో హీరోయిన్ శ్రద్ధా శ్రీనాథ్ ఐఎఎస్ అధికారిణిగా నటిస్తోంది. విజయరాఘవన్- సాయి కుమార్ - సిద్దిక్ - జానీ ఆంటోనీ - స్వస్విక - మాలవికా మీనన్ - నేహా సక్సేనా - సీత కీలక పాత్రలు పోషించారు. విజయ్ ఉలగానాథ్ సినిమాటోగ్రఫీ అందించగా.. షమీర్ మహమ్మద్ ఎడిటింగ్ వర్క్ చేశారు. రాహుల్ రాజ్ సంగీతం సమకూర్చారు. అనిల్ అరసు - కె రవివర్మ - ఎ విజయ్ - సుప్రీం సుందర్ యాక్షన్ కొరియోగ్రఫీ చేశారు. ఈ సినిమాను త్వరలోనే ప్రేక్షకుల ముందుకు తీసుకురానున్నారు. 'లూసిఫర్' తర్వాత అలాంటి పవర్ ఫుల్ పాత్రలో కనిపిస్తున్న మోహన్ లాల్ కు ''ఆరాట్టు'' ఎలాంటి విజయాన్ని అందిస్తుందో చూడాలి.