కనీసం వీళ్లద్దరయినా హిట్లు కొడతారా!?

ఆగస్టు నెల మొదలయ్యి సగం గడిచిపోయింది. అయినా సరే బాక్సాఫీస్ ని కళకళలాండిచే సినిమా ఒకటి కూడా రాలేదు. ప్రతీ వారం సినిమాలు వస్తున్నా.. థియేటర్లను నింపేసే మూవీ మాత్రం పడలేదు. ఆగస్ట్ మొదటి వారంలో శ్రీరస్తు శుభమస్తు.. మనమంతా చిత్రాలు వచ్చాయి. రెండూ బాగున్నాయనే టాక్ వచ్చినా.. క్రౌడ్ పుల్లింగ్ కెపాసిటీ ఏ చిత్రానికీ లేకపోయింది. గత వారంలో వెంకీ మూవీ బాబు బంగారం.. సాయి ధరం తేజ్ నటించిన తిక్క చిత్రాలు వస్తే.. రెండింటికీ నెగిటివ్ టాక్ స్ప్రెడ్ అయిపోయింది.

ఈ వారంలో కూడా రెండు సినిమాలు రిలీజ్ అవుతున్నాయి. ఆది.. సుశాంత్ లు బాక్సాఫీస్ దగ్గర సత్తా చాటేందుకు పోటీ పడనున్నారు. గరం అంటూ ఈ ఏడాది ఇప్పటికే ఓ ఫ్లాప్ కొట్టిన ఆది.. నాగ్ కి భాయ్ లాంటి డిజాస్టర్ ఇచ్చిన వీరభద్రంలు.. తిరిగి నిలదొక్కుకునేందుకు చుట్టాలబ్బాయిని ప్రేక్షకుల ముందుకు తెస్తున్నారు. ఈ చిత్రం విజయవంతం కావడం హీరో-డైరెక్టర్ ఇద్దరికీ ముఖ్యం కావడంతో.. చాలానే ఎఫర్ట్ పెట్టారు. ఇక అక్కినేని వంశానికి చెందిన సుశాంత్ పరిస్థితి కూడా ఇందుకు దగ్గరగానే ఉంటుంది.

ఆటాడుకుందాం రా అంటూ.. సుశాంత్ పలకరించనుండగా.. జి. నాగేశ్వరరెడ్డి దర్శకత్వంలో ఈ మూవీ తెరకెక్కునుంది. ఈ సినిమాలో అక్కినేని అఖిల్ ఓ గెస్ట్ రోల్ చేయడం విశేషం. కనీసం వీళ్లిద్దరయినా హిట్లు కొడితే.. టాలీవుడ్ బాక్సాఫీస్ కి మళ్లీ కళ వస్తుంది.