టీజర్‌ టాక్‌: అదే ఆట ఆడుతున్నారు

''ఆటాడుకుందాం రా..''.. అబ్బే అప్పట్లో వచ్చిన పాట కాదు.. ఇప్పుడు సుశాంత్‌ హీరోగా వస్తున్న కొత్త సినిమా ఇది. ఈ సినిమా టీజర్‌ ను ఈరోజు సుశాంత్‌ పుట్టినరోజు సందర్భంగా కింగ్ నాగార్జున విడుదల చేశారు. ఇంతకీ ఎలా ఉందేంటి?

యాజిటీజ్‌ గా ఒక హీరో. ఏదో ఒక లాక్‌ తో ఇతను నాకు వద్దు అని చెప్పే ఒక మామ/తండ్రి (అజయ్‌ శర్మ). అలాగే ఒక కమర్షియల్‌ హీరోయిన్‌. అదేనండీ వెంకీ సినిమాలో ఐటెం సాంగ్‌ చేస్తోంది అనుకున్నామే.. ఆ సోనమ్‌ బాజ్వా. ఇకపోతే 30 ఇయర్స్‌ పృథ్వీ చేస్తున్న సినిమా డైరక్షన్‌ కామెడీ.. బ్రహ్మానందం ఇక ఇకలూ.. కామెడీగానే ఉంది కాని.. చాలాసార్లు చూసినట్లు ఉంది. ఆటాడుకుందాం రా అంటూ అదే రొటీన్‌ ఆటను మళ్ళీ మళ్ళీ ఆడుతున్నారు. కామెడీ సినిమాలకు కేరాఫ్‌ అడ్రస్‌ అయిన జి.నాగేశ్వర్‌ రెడ్డి ఈ సినిమాను రూపొందించారు.

సమ్మర్‌ లోనే ధియేటర్లలోకి వచ్చేస్తుందని అంటున్నారు కాని.. అసలు సమ్మర్‌ లో ఈ సినిమా వచ్చేంత ఖాళీ ఎక్కడుందని?