ఢిల్లీ అథ్లెట్‌.. టాలీవుడ్‌లో దిగింది

ఢిల్లీలో పుట్టింది. ముంబైలో పెరిగింది. హైదరాబాద్‌లో అడుగుపెట్టింది. బాలీవుడ్‌లో తొలిప్రయత్నం వెక్కిరించడంతో ఇక టాలీవుడ్‌ తనని ఆదుకుంటుందని ఆశపడుతోంది. అసలింతకీ ఎవరీ అమ్మడు? పేరు అభా సింఘాల్‌. పేరుకు తగ్గట్టే కాసింత ధీరవనిత.

స్టేట్‌ లెవల్‌ బ్యాస్కెట్‌బాల్‌ ప్లేయర్‌. అథ్లెట్‌గా రాణించింది. క్రీడల వల్లే చొరవ పెరిగింది. ఏ రంగంలోనైనా దూసుకుపోతా అన్న నమ్మకం రెట్టించింది. ఆ కాన్ఫిడెన్సే సినిమావైపు అడుగులు వేయించింది. ఇప్పుడు అందాల రాక్షసి ఫేం నవీన్‌చంద్ర సరసన 'రచ్చ రంభోలా' చేస్తోంది. ఈ సినిమా తనకి టాలీవుడ్‌లో అవకాశాలు పెంచుతుందన్న నమ్మకాన్ని వెలిబుచ్చింది ఈ అమ్మడు. చిన్నప్పట్నుంచి ఆటా పాటా అంటూ పెరిగాను. అంతా అనుకున్నట్టే జరిగితే కథానాయికగా నిరూపించుకుని బాగా డబ్బు సంపాదిస్తా. అటుపై సొంతంగా నేను కూడా ఓ ప్రొడక్షన్‌ హౌస్‌ మొదలుపెడతా. సైమల్టేనియస్‌గా బిజినెస్‌ మ్యాగ్నెట్‌గా ఎదిగేస్తానంటూ చాలా ప్రణాళికల్లే వివరంగా చెప్పింది.

నవీన్‌ సరసన రేడియో జాకీ పాత్రలో నటిస్తున్నా. రచ్చరంభోలా అనిపించే క్యారెక్టర్‌ ఇది. టాలీవుడ్‌ కొత్తమ్మాయ్‌లకు స్వర్గధామం లాంటిది. ఇక్కడ నటించడమే నాకిష్టం... అని చెప్పింది. సెంటిమెంటును టచ్‌ చేసే తెలివితేటలున్నాయ్‌. అందుకు తగ్గట్టే ప్లానింగ్‌ ఉంది. కాబట్టి అభా భవిష్యత్‌లో రచ్చ చేయడం ఖాయం షురూ అనిపిస్తోంది.