సినిమా సెట్ లో హీరో గారి పెద్ద దొంగతనం..!

బాలీవుడ్ స్టార్‌ హీరో రితేష్ దేశ్‌ ముఖ్‌ 'కేస్‌ తో బంటా' అనే టాక్ షో ను అమెజాన్‌ మినీ టీవీ కోసం చేస్తున్న విషయం తెల్సిందే. ఈ టాక్ షో లో బాలీవుడ్ కు చెందిన పలువురు ప్రముఖులు హాజరు అయ్యారు. టాక్ షో కు సంబంధించిన ప్రోమోను తాజాగా యూట్యూబ్‌ ద్వారా విడుదల చేయడం జరిగింది. ప్రోమో గురించి బాలీవుడ్ వర్గాల్లో తెగ చర్చ జరుగుతోంది.

ఈ షో లో విక్కీ కౌశల్‌.. సారా అలీ ఖాన్‌.. సంజయ్ దత్‌.. అనిల్‌ కపూర్‌ ఇంకా జూనియర్ బచ్చన్ అభిషేక్‌ బచ్చన్ లు పాల్గొన్నారు. అందరూ స్టార్స్ తో కూడా సరదాగా టాక్ షో ను నవ్వుతూ నవిస్తూ సాగించిన రితేష్ దేశ్‌ ముఖ్‌ షో పై ఆసక్తి కలిగించడంలో సఫలం అయ్యాడు. షో పై ఆసక్తి కలిగించే విధంగా ప్రోమో ఉందంటూ కామెంట్స్ వస్తున్నాయి.

ఈ ప్రోమోలో ఒక విషయం అందరి దృష్టిని ఆకర్షిస్తోంది. అదే అభిషేక్ బచ్చన్‌ షాట్స్‌... అభిషేక్ బచ్చన్‌ తాజాగా దస్వీ అనే సినిమాలో నటించాడు.

ఆ సినిమా ప్రస్తుతం నెట్‌ ఫ్లిక్స్ లో స్ట్రీమింగ్‌ అవుతోంది. ఆ సినిమా ప్రమోషన్ లో భాగంగా అభిషేక్ బచ్చన్‌ కేస్‌ తో బంటా కార్యక్రమంలో రితేష్ తో కలిసి సందడి చేయడం జరిగింది.

ఆ షో లో రితేష్‌.. మీరు గురు సినిమా సెట్‌ లో ఒక దొంగతనం చేశావంటా అంటూ ప్రశ్నించాడు. అప్పుడు కాస్త కంగారు పడ్డ అభిషేక్ బచ్చన్‌ ఆ తర్వాత తేరుకుని ఔను నేను హీరోయిన్‌ ని దొంగతనం చేశాను అంటూ చెప్పుకొచ్చాడు.

గురు సినిమాలో హీరోయిన్ గా నటించిన ఐశ్వర్య రాయ్‌ ని రితేష్‌ ప్రేమించి పెళ్లి చేసుకున్న విషయం తెల్సిందే. అందుకే గురు సినిమా సమయంలో హీరోయిన్‌ ను దొంగతనం చేశాను అన్నట్లుగా జూనియర్ బచ్చన్ సరదాగా చెప్పుకొచ్చాడు.