మరో సినిమాకు రెడీ అవుతున్న స్టార్‌ జోడీ

బాలీవుడ్‌ స్టార్‌ జోడీ అనగానే ఠక్కున వినిపించే పేర్లలో అభిషేక్‌ బచ్చన్‌ ఐశ్వర్య రాయ్‌ ల పేర్లు ముందు వినిపిస్తాయి అనడంలో సందేహం లేదు. వీరు ఇద్దరు కలిసి ఆమద్య వరుసగా సినిమాలు చేశారు. ఇప్పటి వరకు వీరిద్దు కలిసి 8 సినిమాల్లో నటించారు. మళ్లీ వీరిద్దరి కాంబోలో మూవీ రాబోతుంది అంటూ సమాచారం అందుతోంది. విశ్వసనీయంగా అందుతున్న సమాచారం ప్రకారం మరో సినిమాను వచ్చే ఏడాది ప్రేక్షకుల ముందుకు తీసుకు వచ్చేందుకు వీరిద్దరు జత కట్టబోతున్నట్లుగా సమాచారం అందుతోంది.

అభిషేక్‌ బచ్చన్‌ మరియు ఐశ్వర్య రాయ్‌ లతో బాలీవుడ్‌ స్టార్‌ డైరెక్టర్‌ అనురాగ్‌ కశ్యప్ ఒక సినిమాను చేసేందుకు సిద్దం అవుతున్నాడట. మెచ్చూర్డ్‌ లవ్‌ స్టోరీతో ఈ సినిమా ఉంటుందని అంటున్నారు. ఈమద్య కాలంలో న్యూ ఏజ్‌ లవ్‌ స్టోరీలకు మంచి డిమాండ్‌ ఉంది. కనుక ఈ సినిమాను చేసేందుకు అనురాగ్‌ ఈ స్టార్‌ కపుల్‌ ను ఎంపిక చేసుకున్నట్లుగా తెలుస్తోంది. ఈ సినిమాలో వీరిద్దరు భార్య భర్తలుగా కనిపించబోతున్నట్లుగా సమాచారం అందుతోంది. మరిన్ని వివరాలు వచ్చే నెలలో వెళ్లడించబోతున్నారు అంటూ బాలీవుడ్‌ మీడియా వర్గాల ద్వారా సమాచారం అందుతోంది. వీరిద్దరి కాంబోకు చాలా మంది అభిమానులు ఉన్నారు. కనుక సినిమా ఖచ్చితంగా ఓ రేంజ్‌ లో బజ్‌ ను క్రియేట్‌ చేస్తుందనే అభిప్రాయం వ్యక్తం అవుతోంది.