ప్రొడ్యూసర్ గా మారుతున్న డిస్ట్రిబ్యూటర్

టాలీవుడ్ లో నిర్మాతగా అవతారమెత్తుతున్నాడు మరో డిస్ట్రిబ్యూటర్. మహేష్ బాబు శ్రీమంతుడిని నైజాంలో రూ.14 కోట్లకు కొని సెన్సేషన్ క్రియేట్ చేసిన అభిషేక్ పేరు.. ఇప్పుడు మార్మోగిపోతోంది. పెట్టిన పెట్టుబడిపై మంచి లాభాలనే మిగిల్చి.. ఈయనకు మంచి ఊపునిచ్చాడు మహేష్ బాబు. దీని తర్వాత గుణశేఖర్ చిత్రీకరించిన చారిత్రక చిత్రం రుద్రమదేవి హిందీ రైట్స్ ని కూడా పెద్ద మొత్తానికే కొన్నాడు అభిషేక్.

డిస్ట్రిబ్యూటర్ గా మంచి ఫాంలో ఉన్న టైంలో.. అభిషేక్ నిర్మాతగానూ తన అదృష్టాన్ని పరీక్షించుకంటున్నాడు. భలేభలే మగాడివోయ్ తో సెన్సేషనల్ హిట్ కొట్టిన నాని హీరోగా తన మొదటి మూవీ నిర్మించబోతున్నాడు. యూత్ ఫుల్ లవ్ ఎంటర్ టెయినర్ గా రూపొందనున్న ఈ చిత్రంతో.. కొత్త దర్శకుడు కూడా ఇండస్ట్రీకి పరిచయం కానుండడం విశేషం.

డిస్ట్రిబ్యూటర్ లుగా సక్సెస్ అయిన దిల్ రాజు - సాయి కొర్రపాటి - సుధాకర్ రెడ్డి రూట్ నే అభిషేక్ కూడా ఎంచుకున్నట్లు కనిపిస్తోంది. ప్రస్తుతం టాలీవుడ్ ఇండస్ట్రీయే టాప్ గేర్ లో ఉంది. ఈ టైంలో నిర్మాతగా ఎంట్రీ ఇవ్వడం.. ఈయనకు కలిసొచ్చే విషయంగా చెప్పుకోవాలి. కాస్తం టైం కూడా కలిసొస్తే.. ఇండస్ట్రీకి ఇంకో భారీ నిర్మాత లభించినట్లే.