అడివి శేష్ కు ప్రిన్స్ ప్రొడ్యూస‌ర్ ఆఫ‌ర్!

అడివి శేష్ హీరోగా తెర‌కెక్కిన `గూఢ‌చారి` చిత్రం హిట్ టాక్ తెచ్చుకొని మంచి క‌లెక్ష‌న్లు రాబడుతోన్న సంగ‌తి తెలిసిందే. ఈ చిత్రంలో `బ్రాండ్ బాబు` అడివి శేష్ కు జంట‌గా తెనాలి తెలుగ‌మ్మాయి శోభిత దూళిపాళ్ల న‌టించింది. జ‌గ‌ప‌తి బాబు - అక్కినేని సుప్రియ కీల‌క‌పాత్ర‌లు పోషించారు. శశికిరణ్ తిక్కా ద‌ర్శ‌క‌త్వం వ‌హించిన ఈ చిత్రం విడుద‌లైన అన్ని సెంట‌ర్ల‌లోనూ మంచి టాక్ తెచ్చుకుంది. ఈ సంద‌ర్భంగా ఈ చిత్రం స‌క్సెస్ మీట్ ను చిత్ర యూనిట్ ఏర్పాటు చేసింది. ఆ ప్రెస్ మీట్ లో హీరో అడివి శేష్ ఆస‌క్తిక‌ర వ్యాఖ్య‌లు చేశాడు. అన్ని సెంట‌ర్ల‌లోనూ సినిమాకు మంచి బ‌జ్ వ‌చ్చింద‌ని, స‌క్సెస్ ఫుల్ గా మంచి క‌లెక్ష‌న్ల‌తో ర‌న్ అవుతోంద‌ని అన్నాడు. తన‌ రెండేళ్ల క‌ష్టం ఫ‌లించింద‌ని, ఈ సినిమా కోసం టీమ్ అంద‌రం చాలా క‌ష్ట‌ప‌డ్డామ‌ని చెప్పాడు. ఈ సినిమా గురించి ఉన్న‌ది ఉన్న‌ట్లు మీడియా - వెబ్ సైట్లు ప్ర‌మోట్ చేశాయ‌ని....అంద‌ర‌కీ కృత‌జ్ఞ‌త‌లు చెప్పాడు.

అయితే, హంగూ ఆర్భాటంగా స‌క్సెస్ మీట్ ఏర్పాటు చేయ‌డం కోసం ప్రెస్ మీట్ పెట్ట‌లేద‌ని...నిజంగా సినిమాకు స‌క్సెస్ టాక్ వ‌చ్చింది కాబ‌ట్టే మీడియా ముందుకు వ‌చ్చాన‌ని చెప్పాడు. తాను రివ్యూలు - రేటింగ్ లు న‌మ్మ‌న‌ని...కానీ, రేటింగ్ - రివ్యూ రెండూ బాగుండ‌డం సంతోషాన్నిచ్చింద‌ని అన్నాడు. ఓ టికెట్ బుకింగ్ యాప్ లో క్ష‌ణం సినిమాకు తొలిరోజు...92 శాతం లైక్స్ వ‌చ్చాయ‌ని....గూఢ‌చారికి 96 శాతం లైక్స్ వ‌చ్చాయ‌ని అన్నాడు. మ‌హేష్ బాబు వంటి పెద్ద స్టార్ల‌తో సినిమా నిర్మించిన అనిల్ సుంకర ....త‌న‌కు హాలిడే ట్రిప్ ఆఫ‌ర్ చేస్తున్నారని....సో ఇది స‌క్సెస్ ....అని అన్నాడు. వైజాగ్ జ‌గ‌దాంబ థియేట‌ర్ లో మార్నింగ్ షో హౌస్ ఫుల్ అని...త‌న లాంటి వైజాగ్ కుర్రోడికి ఇదో పెద్ద అచీవ్ మెంట్ అని అన్నాడు. ఈ సినిమాకు మాట‌లు అందించిన అబ్బూరి ర‌విగారు లేకుంటే తాను ఇండ‌స్ట్రీలో లేన‌ని అన్నాడు. పంజాలో త‌న‌ క్యారెక్ట‌ర్స్ - డైలాగ్స్ ఆయ‌నే రాశార‌ని...`క్ష‌ణం`స‌మ‌యంలో డైరెక్ష‌న్ లో స‌హ‌కారం అందించార‌ని.. `గూఢ‌చారి`...ప‌ర్య‌వేక్ష‌ణ‌...ఇలా త‌న ప్ర‌తి స‌క్సెస్ లో ఆయ‌న ఉన్నార‌ని చెప్పాడు.