సాక్ష్యం చూడాల్సింది అందుకేనా!

ఈ మధ్య అన్ని ప్రేమ కథలతో నిండిపోతున్న టాలీవుడ్ బాక్స్ ఆఫీస్ వద్దకు ఫాంటసీ నేపథ్యంతో 27న రాబోతున్న సాక్ష్యం మీద ట్రేడ్ తో పాటు ప్రేక్షకుల్లో కూడా మంచి అంచనాలు ఉన్నాయి. బెల్లంకొండ సాయి శ్రీనివాస్ హీరోగా క్రేజీ బ్యూటీ పూజా హెగ్డే హీరోయిన్ గా నటించిన ఈ మూవీ విడుదల విషయంలో కొంత సందిగ్దత ఉన్నప్పటికీ నిన్న నిర్మాత అభిషేక్ నామా పూర్తి క్లారిటీ ఇచ్చేయడంతో వాటికి చెక్ పడింది. దీనికి సంబంధించిన పలు ఆసక్తికరమైన విశేషాలు షేర్ చేసుకున్న ఆయన సాక్ష్యం బడ్జెట్ ముందు అనుకున్న దాని కన్నా క్వాలిటీ కోసం ఎక్కువ ఖర్చు పెట్టుకోవాల్సి వచ్చిందని ఒప్పుకున్నారు. ఇప్పుడున్న ట్రెండ్ లో హీరో హీరోయిన్లు ఎవరూ అని చూడటం లేదని కథ ఎలా ఉంది ప్రెజెంటేషన్ ఎలా చేసారు అనే దానికే ప్రేక్షకులు పట్టం కడుతున్నారు కాబట్టి సాక్ష్యం విషయంలో తాము నమ్మకంగా ఉన్నామని చెబుతున్నారు. 48 పేరున్న ఆర్టిస్టులు 4 గురు విలన్లతో సినిమా చాలా గ్రాండ్ గా వచ్చిందని చెబుతున్న అభిషేక్ విజయం సాధించే విషయంలో ధీమాగా ఉన్నారు.

ఇక ఈ వారం పోటీ పడుతున్న సినిమాల్లో సాక్ష్యందే పైచేయిగా ఉంది. మిగిలినవి పరిమితంగా టార్గెట్ చేసుకున్నవి కావడంతో పాటు స్టార్లు ఎవరు అందులో లేకపోవడం మరో ప్లస్ గా మారింది. డిక్టేటర్ టైం లోనే దర్శకుడు శ్రీవాస్ తనకు పరిచయమని చెబుతున్న అభిషేక్ మొదట కథ సాయి శ్రీనివాస్ తండ్రి వెళ్లిందని కానీ తామైతే బాగా డీల్ చేయగలమన్న నమ్మకంతో ఇచ్చారని చెప్పారు. వీడియో గేమ్ డెవలపర్ గా సాయి శ్రీనివాస్ నటిస్తున్న ఈ సినిమాలో అతనికి పంచ్ భూతాలకు లంకె ఎలా కుదిరింది తనకు తెలియకుండానే ప్రతీకారం తీర్చుకునే దశకు ఎందుకు వెళ్ళాడు లాంటి ఆసక్తికరమైన సంఘటనలతో సాక్ష్యం రూపొందింది. 27న భారీ విడుదలకు అన్ని ఏర్పాట్లు పూర్తి చేసారు. బ్లాక్ బస్టర్ సక్సెస్ కోసం కన్నేసిన బెల్లంకొండ సాయి శ్రీనివాస్ కు సాక్ష్యం కనక హిట్ అయితే మార్కెట్ రేంజ్ పెరుగుతుంది. అది తేలాలంటే నాలుగు రోజులు వేచి చూడాలి