దేవ‌ర‌కొండ‌ను కాదు `అర్జున్`ని కాపీ చేయొచ్చు!

బిగ్ బాస్ 4 (తెలుగు) టైటిల్ గెలిచి అంద‌రి దృష్టిని ఆక‌ర్షించాడు అభిజీత్. గొప్ప వ్య‌క్తిత్వంతో ఆక‌ట్టుకుని హీరోగా నిలిచాడు అత‌డు. ఇప్పుడు క్రిస్మస్ సందర్భంగా అబిజీత్ శాంతా క్లాజ్ గా మారి పేద పిల్లలకు బహుమతులు ఇచ్చారు. బిగ్ బాస్ ఇంట్లో ఉన్నంత కాలం తన అభిమానుల నుండి తనకు అపారమైన ప్రేమ లభించిందని.. తనకు సానుకూలంగా అన్నివిధాలా తిరిగి కంబ్యాక్ అవ్వ‌డానికి ఇది స‌రైన‌ సమయం అని అబీజీత్ చెప్పాడు.

అయితే అబీజీత్యొ # శాంటాఅబి క్రిస్మ‌స్ యాక్ట్ ని అతని `లైఫ్ ఈజ్ బ్యూటిఫుల్` సహనటుడు విజయ్ దేవరకొండ `#దేవరశాంటా` క్రిస్మస్ యాక్ట్ (చొరవ)తో పోల్చారు. కానీ అబీజీత్ ఈ పోలికల గురించి విని న‌వ్వుకుంటున్నారు. విజయ్ వ్య‌వ‌హారం తనకు తెలియదని ఆయన అన్నారు.

“నేను 5 రోజుల క్రితం బిగ్ బాస్ ఇంటి నుండి మాత్రమే బయటపడ్డాను. ఇది(శాంటాగా మార‌డం) హఠాత్తుగా తీసుకున్న నిర్ణయం. విజయ్ కూడా ఇలా చేశాడని నాకు తెలియదు కానీ మరింత మంచిదేన‌ని నేను అనుకుంటాను. విజయ్ మంచి స్నేహితుడు. అందుకే ఒకేలా ఉంద‌ని అనిపిస్తోంది. నేను ఎవరినీ కాపీ చేయడానికి ప్రయత్నించడం లేదు. శాంటా విశ్వవ్యాప్తంగా తెలిసిన‌ వ్యక్తి. అందరివాడు. నేను కొంత ప్రేమను వ్యాప్తి చేయడానికి ప్రయత్నిస్తున్నాను” అని అబీజీత్ అన్నారు.

అంతా బాగానే ఉంది కానీ.. సినిమాల ప‌బ్లిసిటీ .. అలానే న‌ట‌న ప‌రంగా అభిజీత్ త‌న‌దైన స్టైల్ చూపించి ఎద‌గాల‌ని అభిమానులు ఆకాంక్షిస్తున్నారు. అత‌డి లుక్ యాక్ష‌న్ హీరో అర్జున్ ని పోలి ఉంటుంద‌న్న పోలికను ఫ్యాన్స్ చెబుతున్నారు. మ‌రి అర్జున్ అంత పెద్ద స్టార్ గా అత‌డు ఎదిగేందుకు ఎలాంటి కృషి చేస్తాడు? అన్న‌ది చూడాలి. రౌడీ విజ‌య్ దేవ‌ర‌కొండ‌తో ఎందులోనూ పోలిక అస్స‌లు ఉండ‌కూడ‌దు.