#ఆచార్య‌.. ఖ‌మ్మం షెడ్యూల్ ముగించి హైద‌రాబాద్ కి

మెగాస్టార్ చిరంజీవి క‌థానాయ‌కుడిగా కొరటాల శివ ద‌ర్శ‌క‌త్వంలో తెర‌కెక్కుతున్న చిత్రం ఆచార్య‌. కాజ‌ల్ క‌థానాయిక‌. రామ్ చ‌ర‌ణ్ ఈ చిత్రంలో కీల‌క పాత్ర‌ను పోషిస్తున్నారు. పూజాహెగ్డే అతడి స‌ర‌స‌న న‌టిస్తోంది. మ్యాట్నీ ఎంట‌ర్ టైన్ మెంట్స్ - కొణిదెల ప్రొడ‌క్ష‌న్స్ సంయుక్తంగా నిర్మిస్తున్నాయి. నిరంజ‌న్ రెడ్డి- రామ్ చ‌ర‌ణ్ నిర్మాత‌లు.

ఇటీవ‌ల ఖ‌మ్మం షెడ్యూల్ ని కొర‌టాల శ‌ర‌వేగంగా పూర్తి చేస్తున్న సంగ‌తి తెలిసిందే. ఈ షెడ్యూల్ లో చిరంజీవి- రామ్ చ‌రణ్ పై కీల‌క స‌న్నివేశాల్ని చిత్రీక‌రిస్తున్నారు. తాజాగా ఖ‌మ్మం షెడ్యూల్ పూర్త‌యింద‌ని నిర్మాత‌లు వెల్ల‌డించారు. ప్ర‌స్తుతం చిత్ర‌బృందం హైద‌రాబాద్ కి తిరిగి వ‌చ్చింది.

చిరు- చ‌ర‌ణ్ పై ఎంతో ఎమోష‌న‌ల్ ఘ‌ట్టాల్ని ఈ షెడ్యూల్ లో తెర‌కెక్కించార‌ని తెలుస్తోంది‌. ఇక చిరుకి అస్వ‌స్థ‌త అంటూ సాగిన ప్ర‌చారంలో ఎలాంటి నిజం లేద‌ని తాజాగా మ‌రోసారి వెల్ల‌డించిన‌ట్ట‌య్యింది. దేవ‌దాయ శాఖ కుంభ‌కోణం .. రాజ‌కీయాల నేప‌థ్యంలో యాక్ష‌న్ థ్రిల్ల‌ర్ క‌థాంశంతో ఈ సినిమా తెర‌కెక్కుతోంద‌ని తెలుస్తోంది.