బ‌న్ని బుట్ట బొమ్మ‌కు లైనేస్తున్న చెర్రీ?

మెగాస్టార్ చిరంజీవి- రామ్ చ‌ర‌ణ్ ప్ర‌ధాన పాత్ర‌ల్లో తెర‌కెక్కుతున్న `ఆచార్య` కు ఇంకా క‌థానాయిక‌లు ఫైన‌ల్ కాలేదు. చిరంజీవి స‌ర‌స‌న కాజ‌ల్ న‌టిస్తున్నా.. చ‌ర‌ణ్ స‌ర‌స‌న నాయిక ఎవ‌రు? అన్న‌దానిపై స‌రైన క్లారిటీ లేదు.

ఇప్ప‌టికే చెర్రీ స‌ర‌స‌న న‌టించే భామ‌ల‌పై ర‌క‌రకాల ఊహాగానాలు సాగాయి. విన‌య విధేయ రామా త‌ర్వాత మ‌రోసారి కియ‌రా అద్వానీ చ‌ర‌ణ్ కు జంట‌గా న‌టించ‌నుంద‌ని ఇటీవ‌ల ప్ర‌చార‌మైంది. కానీ అది క‌న్ఫామ్ కాలేదు.

తాజా స‌మాచారం మేర‌కు.. `ఆచార్య` మేకర్స్ బుట్ట‌బొమ్మ‌ పూజా హెగ్డేతో చ‌ర్చ‌లు సాగిస్తున్నార‌ని తెలిసింది. ఇదే నిజ‌మైతే.. చరణ్ - పూజా హెగ్డే జంట‌ను తొలిసారి మెగా ఫ్యాన్స్ వీక్షించే వీలుంటుంది. అయితే ఈ విషయంలో మేకర్స్ అధికారిక ప్రకటన వచ్చేవరకు వేచి ఉండాల్సి ఉంటుంది. `అల వైకుంఠ‌పుర‌ములో` చిత్రంలో బుట్ట‌బొమ్మ‌గా బోలెడంత మ్యాజిక్ చేసిన పూజా హెగ్డే.. ప్ర‌స్తుతం ప్ర‌భాస్ స‌ర‌స‌న రాధేశ్యామ్ లో .. అఖిల్ స‌ర‌స‌న `మోస్ట్ ఎలిజిబుల్ బ్యాచిల‌ర్` చిత్రాల్లో నాయిక‌గా న‌టిస్తోంది. ఇప్పుడు చెర్రీతో జ‌త కడితే మ‌రో క్రేజీ ఆఫ‌ర్ ద‌క్కించుకున్న భామ‌గా వెలిగిపోతుంది.

కొరటాల శివ ఆచార్య‌కు ద‌ర్శ‌క‌త్వం వ‌హిస్తుండ‌గా.. రామ్ చరణ్- నిరంజన్ రెడ్డి సంయుక్తంగా నిర్మిస్తున్నారు. మణిశ‌ర్మ సౌండ్ ట్రాక్ కంపోజ్ చేస్తున్నారు. ఈ చిత్రం వచ్చే ఏడాది వేసవిలో రిలీజ్ కానుంది.