విప్ల‌ప గీతంలో వీర‌మ‌ల్లులు ఇలా!

`ఆచార్య` రిలీజ్ కౌంట్ డౌన్ మొద‌లైంది. విడుద‌లకి ఇంకా రెండు రోజులే స‌మ‌యం ఉంది. మ‌రోవైపు ప్ర‌చారం జోరుగా సాగుతోంది. తండ్రీ-త‌న‌యులు చిరంజీవి-రామ్ చ‌ర‌ణ్ ప్ర‌చార కార్య‌క్ర‌మాల్లో చురుకుగా పాల్గొంటున్నారు. తొలిసారి తండ్రి-కుమారుల ద్వ‌యం వెండి తెర‌పై కీల‌క పాత్ర‌ల్లో మెప్పించ‌డానికి రెడీ అవుతున్నారు.

అతిధి పాత్ర‌ల్లో ఎంట‌ర్ అయిన చ‌ర‌ణ్ పాత్ర సినిమాలో ఎంత క కీల‌కంగా మారిందో తెలిసిందే. సిద్ద పాత్ర తెర‌పై క‌నిపించినంత సేపు `ఆచార్య` పాత్ర‌కి పోటాపోటీగా ఉంటుంద‌ని తెలుస్తుంది.

రెండు పాత్ర‌ల యాక్ష‌న్ ఎపిసోడ్స్ సినిమాలో ప్ర‌త్యేక ఆక‌ర్ష‌ణ‌ నిలుస్తాయ‌ని ప్ర‌చారం సాగుతోంది. కొర‌టాల మార్క్ సెన్సిబుల్ యాక్ష‌న్ తో ఆద్యంతం ఆక‌ట్టుకుంటార‌ని అంచ‌నాలు నెల‌కొంటున్నాయి. తాజాగా ఆన్ సెట్స్ స్టిల్ ఒక‌టి బ‌య‌ట‌కు వ‌చ్చింది. ఇందులో చిరు-చ‌ర‌ణ్ ..ఆచార్య‌..సిద్ద పాత్ర‌ల ఆహార్యంలో క‌నిపిస్తున్నారు.

ఇద్ద‌రు న‌క్స‌లైట్ దుస్తుల్లో ఆద్యంతం ఆక‌ట్టుకుంటున్నారు. వెనుక భారీ ఎత్తున జ‌నం చూస్తుంటే వీరులిద్ద‌రు విప్ల‌వ గీతంతో పోరాటానికి పిలుపునిస్తున్నట్లు క‌నిపిస్తుంది. షూటింగ్ కామెరాలో చిరు..చ‌ర‌ణ్ ఇద్ద‌రు సాంగ్ షూట్ ని ప‌రిశీలిస్తున్న‌ట్లు క‌నిపిస్తుంది. ఇన్ స్టా గ్రామ్ లో అప్ లోడ్ అయిన ఫోటోల ఇప్పుడు సోష‌ల్ మీడియా మొత్తం వైర‌ల్ గా మారింది.

చిరు-చ‌ర‌ణ్ అభిమానులు స్టార్ హీరోలిద్ద‌ర్ని ఇలా చూసుకుని మురిసిపోతున్నారు. ఇక ఈ ఫోటోకి పాకిస్తాన్ లోని సింద్ నుంచి కూడా అభిమానులు స్పందిచ‌డం విశేషం. `లాట్ ఆఫ్ ల‌వ్ అండ్ రెస్ప‌క్ట్` స‌ర్ అంటూ ఓ సింద్ ముస్లీం అభిమాని కామెంట్ చేసాడు.

సినిమాలో చిరంజీవి రెండు విభిన్న పాత్ర‌లు పోషిస్తున్న‌ట్లు తెలుస్తోంది. ఒక‌టి న‌క్స‌లైట్ పాత్ర‌కాగా..మ‌రోకటి ప్ర‌భుత్వ ఎండో మెంట్ అధికారి పాత్ర‌లో క‌నిపించ‌నున్నారని స‌మాచారం.

ఏ పాత్ర‌తో ప్రారంభించి ఏ పాత్ర‌తో ముగిస్తారు? అన్న‌ది తెలియాలంటే 29 వ‌ర‌కూ వెయిట్ చేయాల్సిందే. ఈ చిత్రానికి కొర‌టాల శివ ద‌ర్శ‌క‌త్వం వ‌హించారు. కొణిదెల ప్రొడ‌క్ష‌న్ కంపెనీ-మ్యాట్ని ఎంట‌ర్ టైన్ మెంట్స్ సంయుక్తంగా నిర్మిస్తున్నాయి.