మెగా మూవీకి 12రోజులే మిగిలి ఉందట..!

మెగాస్టార్ చిరంజీవి ప్రధానపాత్రలో స్టార్ డైరెక్టర్ కొరటాల శివ దర్శకత్వంలో తెరకెక్కుతున్న చిత్రం ఆచార్య. ఈ సినిమా పై మెగా అభిమానులు భారీ అంచనాలే పెట్టుకున్నారు. ఎందుకంటే సినిమా చాలా డిఫరెంట్ కంటెంట్ తో రాబోతుంది. ఇదివరకటిలా కాకుండా కొరటాల శివ రైటింగ్ కాబట్టి అంచనాలు నెలకొన్నాయి. కొరటాల తన మొదటి సినిమా మిర్చి నుండి కూడా డిఫరెంట్ కంటెంట్ తో ప్రేక్షకులకు కొత్త సినిమాలు చూపిస్తున్నాడు. అయితే ప్రస్తుతం ఆచార్య షూటింగ్ చివరి దశలో ఉన్న సంగతి తెలిసిందే. ఎప్పుడెప్పుడు సినిమా కంప్లీట్ అవుతుందా అని ఫ్యాన్స్ ఆసక్తిగా ఎదురుచూస్తున్నారు.

ఇదిలా ఉండగా.. సినిమా షూటింగ్ కేవలం 12రోజులు మాత్రమే మిగిలి ఉందని క్లారిటీ ఇచ్చాడు డైరెక్టర్. మరి ఎన్నడూ లేనిది రోజులతో సహా చెప్పేశాడంటే విషయం ఏమై ఉంటుందని ఆలోచనలో పడ్డారు. కానీ ఇంతలోనే తాను సోషల్ మీడియాకు కొంతకాలం దూరంగా ఉండబోతున్నట్లు పోస్ట్ పెట్టి షాకిచ్చాడు. కానీ దానికి కారణం కూడా లేకపోలేదు. ప్రస్తుతం ఆచార్య - ఎన్టీఆర్ 30వ సినిమాలతో బిజీ కారణంగా సోషల్ మీడియాకు దూరంగా ఉంటున్నాడని ఇండస్ట్రీలో కథనాలు వెలువడుతున్నాయి. అలాగే ప్రస్తుతం ఆచార్య పోస్ట్ ప్రొడక్షన్స్ కూడా ముమ్మరంగా సాగుతున్నాయి. మరోవైపు ఎన్టీఆర్ సినిమా ప్రీ-ప్రొడక్షన్స్ తో బిజీ అయిపోయాడు.

సో అందుకే సోషల్ మీడియాకు దూరంగా ఉండబోతున్నట్లు టాక్. కానీ మీడియా ఫ్రెండ్స్ ద్వారా అభిమానులకు ఎల్లప్పుడూ అందుబాటులో ఉంటానని చెప్పుకొచ్చాడు. మనం దూరంగా ఉండొచ్చేమో కానీ మన బంధం ఎప్పుడు ఇలాగే ఉంటుందని రాసుకొచ్చాడు కొరటాల. ఇదిలా ఉండగా.. ఆచార్య సినిమాలో కాజల్ అగర్వాల్ హీరోయిన్ కాగా.. రాంచరణ్ - పూజాహెగ్డే కీలకపాత్రలు పోషిస్తున్నారు. ఈ భారీ యాక్షన్ సినిమాను నిరంజన్ రెడ్డి - రాంచరణ్ సంయుక్తంగా నిర్మిస్తున్నారు. 12ఏళ్ల తర్వాత మణిశర్మ మెగాస్టార్ సినిమాకు సంగీతం అందిస్తున్నాడు. చూడాలి మరి త్వరలోనే ఆచార్య రిలీజ్ డేట్ అనౌన్స్ చేస్తారేమో. కానీ పనికి మాత్రం ఫ్యాన్స్ కొంచం డిజప్పాయింట్ అయినట్లే అనిపిస్తుంది.