'ఆచార్య' మరో సీక్రెట్ ను రివీల్‌ చేసిన చిరు

మెగాస్టార్‌ చిరంజీవి ప్రస్తుతం ఆచార్య సినిమా ను చేస్తున్న విషయం తెల్సిందే. కొరటాల శివ దర్శకత్వంలో రూపొందుతున్న ఆచార్య సినిమా షూటింగ్‌ ముగింపు దశకు చేరుకుంది. ఈ సినిమా కు సంబంధించిన విషయాలను చిరంజీవి పొరపాటున రివీల్‌ చేస్తూ వస్తున్నారు. గతంలో తాను కొరటాల శివ దర్శకత్వంలో చేస్తున్న సినిమా టైటిల్ ను 'ఆచార్య' అంటూ రివీల్‌ చేశాడు. ఇంకా అధికారికంగా ప్రకటించలేదా అంటూ ఆ తర్వాత అంటూ నాలిక కర్చుకున్నారు. ఆ తర్వాత కూడా మీడియాతో మాట్లాడిన సందర్బంగా సినిమాలో స్పెషల్‌ రోల్‌ లో చరణ్‌ నటిస్తున్నట్లుగా రివీల్‌ చేశాడు. తాజాగా సినిమాకు సంబంధించిన మరో కీలక విషయాన్ని ఫ్లో లో రివీల్‌ చేయడం జరిగింది.

ఆచార్య సినిమా దేవాలయాల్లో జరుగుతున్న అవినీతి అనే ఒక పాయింట్ తో రూపొందుతున్నట్లుగా మొదటి నుండి ప్రచారం జరుగుతోంది. ఇదే కథలో నక్సల్స్ పాయింట్ కూడా ఉంటుందని ప్రచారం జరిగింది. కాని ఇప్పటి వరకు సినిమా నేపథ్యం ఏంటీ పాత్రలు ఏంటీ అనే విషయంపై అధికారికంగా మాత్రం క్లారిటీ రాలేదు. తాజాగా రానా నటించిన 'విరాట పర్వం' సినిమా టీజర్ ను విడుదల చేసిన సమయంలో చిరంజీవి మాట్లాడుతూ టీజర్ చూస్తుంటే సినిమా నక్సల్స్ బ్యాక్ గ్రౌండ్‌ అనిపిస్తుంది. మా ఆచార్య సినిమా కూడా నక్సల్స్ బ్యాక్‌ గ్రౌండ్‌ అన్నాడు.

ఆచార్య సినిమా నక్సల్స్ బ్యాక్‌ గ్రౌండ్‌ అంటూ చిరంజీవి రివీల్ చేయడంతో ఇన్ని రోజులు జరిగిన ప్రచారం నిజమే అని తేలిపోయింది. సినిమా నేపథ్యంను సీక్రెట్‌ గా ఉంచాలనుకున్న కొరటాల శివ ఈ విషయమై ఎలా రియాక్ట్‌ అయ్యేనో చూడాలి. మే 14న ఆచార్య సినిమా విడుదల కాబోతున్న విషయం తెల్సిందే. అప్పటి వరకు మెగాస్టార్‌ గారు మరెన్ని సీక్రెట్‌ లను నోరు జారి రివీల్‌ చేస్తారో అంటూ సోషల్‌ మీడియాలో జోకులు పేలుతున్నాయి.