'ఆచార్య' సెకండ్ సాంగ్.. రిలీజ్ ఎప్పుడంటే??

టాలీవుడ్ స్టార్ డైరెక్టర్ కొరటాల శివ నుండి చివరి సినిమా వచ్చి మూడేళ్లు అవుతోంది. కానీ ఇంతవరకు తదుపరి సినిమా రాలేదు. రెండేళ్లుగా మెగాస్టార్ చిరంజీవి ప్రధానపాత్రలో ఆచార్య అనే సినిమా రూపొందిస్తున్నాడు. మెగాస్టార్ చిరంజీవి కెరీర్లో 152వ సినిమాగా తెరకెక్కుతున్న ఆచార్యను భారీ బడ్జెట్ తో మ్యాట్నీ ఎంటర్టైన్మెంట్ - కొణిదెల ప్రొడక్షన్ సంయుక్తంగా నిర్మిస్తున్నాయి. ఈ సినిమాలో మెగాస్టార్ సరసన కాజల్ అగర్వాల్ హీరోయిన్ గా నటిస్తోంది. ప్రస్తుతం షూటింగ్ చివరి దశలో ఉన్నటువంటి ఈ సినిమా షూటింగ్ కరోనా కారణంగా ఆగిపోయింది. అయితే మెగాస్టార్ సినిమా అంటే అభిమానుల్లో అంచనాలు ఓ రేంజ్ లో ఉంటాయనే విషయం విదితమే.

మొదటి నుండి ఇప్పటికి అభిమానులలో మెగాస్టార్ చేసే అదిరిపోయే డ్యాన్సులు, యాక్షన్ సన్నివేశాలకు మాములు క్రేజ్ లేదు. ప్రస్తుతం వరుస సూపర్ హిట్లలో దూసుకుపోతున్న డైరెక్టర్ కొరటాల శివ దర్శకత్వంలో ఆచార్య మూవీ మరో బ్లాక్ బస్టర్ అవుతుందని అంచనా వేస్తున్నారు. ఇదిలా ఉండగా.. చాలా సంవత్సరాల తర్వాత మెగాస్టార్ చిరు - మ్యూజిక్ డైరెక్టర్ మణిశర్మల కాంబినేషన్ సెట్ అయింది. మరి వీరి కాంబినేషన్ లో ఇదివరకు ఎన్ని సినిమాలు వచ్చాయో అన్నికూడా సంగీతం పరంగా బిగ్గెస్ట్ హిట్స్. ఆ హిట్స్ దృష్టిలో పెట్టుకొని ఆచార్య పై కూడా మెగాఫ్యాన్స్ భారీ ఎక్సపెక్టషన్స్ పెట్టుకున్నారు.

ఇప్పటికే 'లాహే లాహే' అనే ఫస్ట్ సింగల్ విడుదలై మంచి రెస్పాన్స్ తెచ్చుకుంది. ప్రస్తుతం ఆ పాట సోషల్ మీడియాలో సూపర్ బజ్ క్రియేట్ చేస్తోంది. అయితే ఈ సినిమాలో మొత్తం 5 పాటలు ఉన్నాయని టాక్. లాహేలాహేతో పాటు చిరు - చరణ్ లపై ఓ సాంగ్, చరణ్ - పూజాహెగ్డే డ్యూయెట్ లతో పాటు ఓ బాక్గ్రౌండ్ సాంగ్.. చివరిగా ఓ ఐటమ్ సాంగ్. ఆ పాటలో గ్లామరస్ బ్యూటీ రెజినా కెసండ్రా కనిపించనుంది. ఆ విషయం పక్కనపెడితే.. ఈ సినిమాలో సెకండ్ సాంగ్ గురించి ప్రస్తుతం సోషల్ మీడియాలో వార్తలు హైలైట్ అవుతున్నాయి. తాజా సమాచారం ప్రకారం.. మెగాస్టార్ ఆచార్య సెకండ్ సాంగ్ ఈ నెలలోనే విడుదల చేయనున్నట్లు టాక్ నడుస్తుంది. మరి నిజంగానే రిలీజ్ చేస్తారా లేదా తెలియదు. కానీ బజ్ మాత్రం విపరీతంగా ఏర్పడింది. అదిగాక మ్యూజిక్ డైరెక్టర్ మణిశర్మ కూడా ఖచ్చితంగా అంచనాలు అందుకుంటుందని ఇదివరకు చెప్పడంతో ఫ్యాన్స్ మరోసారి మెగా మ్యూజిక్ కాంబినేషన్ రిపీట్ అవుతుందని అంటున్నారు.