`ప్రేమ‌దేశం` అబ్బాస్ కూతురితో ప్రేమ‌లో ప‌డ‌డం ఖాయం!

క‌లలోనైనా క‌ల్లోలం రేపే రాకుమార్తెలా మెరిసిపోతోంది 90ల నాటి ఇస్మార్ట్ హీరో అబ్బాస్ కూతురు. పేరు ఎమీరా.. వ‌య‌సు 23. చాక్లెట్ బోయ్ గా ల‌వ‌ర్ బోయ్ గా త‌న హ‌యాంలో ఒక ఊపు ఊపిన‌ అబ్బాస్ కుమార్తె అందంలో చ‌క్క‌ని చుక్క‌. ఒక‌వేళ క‌థానాయిక‌గా ఆరంగేట్రం చేస్తే ఒక ఊపు ఊప‌డం ఖాయం అన్న చ‌ర్చా సాగుతోంది.

`ప్రేమ‌దేశం` (కాద‌ల్ దేశం) చిత్రంతో హీరోగా కెరీర్ ప్రారంభించిన అబ్బాస్ ఛామింగ్ లుక్ కి గాళ్స్ ఊహాలోకంలో తేలారంటే అతిశ‌యోక్తి కాదు. క‌దిర్ తెర‌కెక్కించిన ఈ సినిమా అప్ప‌ట్లో ఒక సంచ‌ల‌నం. తెలుగులో `ప్రేమ‌దేశం`.. త‌మిళంలో `కాదల్ దేశం` టైటిల్స్ తో విడుద‌లై ఘ‌న‌విజ‌యం సాధించింది. అప్ప‌ట్లో యువ‌త‌రాన్ని ఒక ఊపు ఊపింది. ముఖ్యంగా ఏ.ఆర్.రెహ‌మాన్ సంగీతం ఊహాలోకాల్లో విహ‌రింప‌జేస్తుంది. మ‌ళ్లీ అలాంటి ట్యూన్లు ఇక పుట్ట‌వు అనేంత గొప్ప స్వ‌రాల్ని సృజించారు రెహ‌మాన్.

ఆరంగేట్ర‌మే సూపర్ హిట్ కొట్టిన అబ్బాస్ కెరీర్ జెట్ స్పీడ్ తో టేకాఫ్ అయ్యింది. అటు త‌మిళంతో పాటు ఇటు తెలుగులోను అత‌డికి భారీ ఫాలోవ‌ర్స్ ఏర్ప‌డ్డారు. ముఖ్యంగా అత‌డి చాక్లెట్ బాయ్ ఇమేజ్ చాలా ప్రేమ‌క‌థ‌ల‌కు పురుడు పోసింది. ప్రేమ‌దేశం త‌ర్వాత గౌత‌మ్ మీన‌న్ తెర‌కెక్కించిన‌ `చెలి` సినిమాలో అబ్బాస్ మ‌రో క్లాస్ పెర్ఫామెన్స్ తో ర‌క్తి క‌ట్టించాడు. న‌ట‌నలో ఈజ్ స్టైలిష్ ఛామింగ్ అప్పియ‌రెన్స్ తో అత‌డి ప్ర‌తి ఫ్రేమ్ యువ‌త‌రాన్ని మంత్ర‌ముగ్ధుల‌ను చేసింది. కాలేజ్ బ్యాక్ డ్రాప్ .. ల‌వ్ బ్యాక్ డ్రాప్ చిత్రాల‌కు అత‌డు కేరాఫ్ అడ్రెస్ గా మారాడు.

త‌మిళంలో పూచూడవా- విఐపి- కందుకొండైన్ కండుకొండైన్- మిన్నలే (చెలి-తెలుగు) వంటి చిత్రాలలో నటించాడు. అలాగే ప‌లు వాణిజ్య‌ ప్రకటనలలో నటించాడు. `తిరుట్టు పయలే` అనే చిత్రంలో అత‌డు నెగెటివ్ షేడ్ ఉన్న పాత్ర‌లో క‌నిపించాడు. కెరీర్ చివ‌రిలో చాలా వ‌ర‌కూ విల‌న్ త‌ర‌హా పాత్ర‌లు కూడా ద‌క్కించుకున్నాడు.

ద‌శాబ్ధం పైగానే కెరీర్ బండిని స‌జావుగా సాగించిన అబ్బాస్ ఆ త‌ర్వాత‌ డిజైనర్ ఎరుమ్ అలీని వివాహం చేసుకున్నాడు. ఇప్పుడు విదేశాలలో స్థిరపడ్డాడు. అత‌డికి ఒక కుమారుడు.. కుమార్తె ఉన్నారు. ఇప్ప‌టికే అబ్బాస్ కుమార్తె ప్రేమ‌క‌థా చిత్రాల క‌థానాయిక‌గా న‌టించే వ‌య‌సుకు చేరుకుంది. 22 వ‌య‌సు అందాల రాకుమారిని త‌ల‌పిస్తోంది. ప్ర‌స్తుతం అబ్బాస్ కుమార్తె ఎమిరా ఫోటోలు సోషల్ మీడియాల్లో వైర‌ల్ గా మారుతున్నాయి. ఈ అందానికి నెటిజ‌నులు మంత్ర‌ముగ్ధులైపోతున్నారు.

అబ్బాస్ కుమారుడు ఐమాన్ ప్ర‌స్తుతం కాలేజ్ విద్య‌ను అభ్య‌సిస్తున్నాడు. అత‌డు హీరోగా ఎంట్రీ ఇస్తాడా లేదా? అన్న‌ది అటుంచితే ప్ర‌స్తుతం ఇండ‌స్ట్రీ క‌ళ్లు ఎమీరా పై ఉన్నాయ‌ని గుస‌గుస‌లు వినిపిస్తున్నాయి. అబ్బాస్ కుటుంబం చాలా కాలం క్రితం న్యూజిలాండ్ కు వలస వెళ్లింది. అత‌డి కూతురు ఎమిరా చిన్నతనంలో ఓ కోలీవుడ్ సినిమాలో న‌టించిందని తెలిసింది. `ఆనందం` చిత్రంలో మురళి - రంభల కూతురిగా నటించింద‌ని క‌థ‌నాలొచ్చాయి. ఇందులో ఆమె తండ్రి అబ్బాస్- మమ్ముటీ- దేవయాని - స్నేహ కూడా ప్రధాన పాత్రల్లో నటించారు. కొన్నాళ్ల పాటు న్యూజిలాండ్ లో చదువుకుని ఉద్యోగం చేసిన తర్వాత సినిమాల్లో చేరుతుంద‌ని గుస‌గుస‌లు వినిపిస్తున్నాయి. అయితే దీనిపై అధికారికంగా వివ‌రాలు వెల్ల‌డ‌వ్వాల్సి ఉంది.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.