అఖిల్ బాబు.. ఇంకా ఎన్ని రోజులు ఈ బాడీ బిల్డప్?

అక్కినేని హీరోల దురదృష్టం ఏమిటో గాని ఒక సక్సెస్ అందుకున్న తర్వాత వెంటనే వారికి ఊహించని విధంగా మరో డిజాస్టర్ ఎదురవుతొంది. ముఖ్యంగా అతిపెద్ద సినిమాలను ప్రేక్షకుల ముందుకు తీసుకురావాలని అనుకున్న ప్రతిసారి కూడా వారికి చేదు అనుభవాలు ఎదురవుతున్నాయి. అఖిల్ అయితే మొదటి నుంచి కూడా అదే తరహాలో ఇబ్బంది పడుతున్నాడు. ఇప్పటివరకు అతను చేసిన సినిమాలేవి కూడా మాస్ ఆడియెన్స్ ను ఆకట్టుకోలేదు.

ఇక ప్రస్తుతం అతను ఏజెంట్ సినిమాపై అయితే భారీ ఆశలు ఉన్నాయి. తప్పకుండా ఈ సినిమా బాక్సాఫీస్ సక్సెస్ అవుతుంది అని ఫ్యాన్స్ నమ్మకంతో ఉన్నారు. అఖిల్ కూడా తన ప్రాణం పెట్టి ఈ సినిమాలో నటించినట్లుగా తెలుస్తోంది. సురేందర్ రెడ్డి కాబట్టి యాక్షన్ ఎలిమెంట్స్ మాత్రం తక్కువగా ఉండవు అని చెప్పవచ్చు. అయితే ఈ సినిమాకు వచ్చిన సమస్య ఏమిటో ఇంతవరకు చిత్ర యూనిట్ పెద్దగా క్లారిటీ ఇచ్చింది లేదు.

గత ఏడాది డిసెంబర్ లో విడుదల కావాల్సింది. కానీ అనేక రకాల కారణాలతో వాయిదా పడుతూ వస్తోంది. కానీ ఎప్పటికప్పుడు ఫోటోషూట్స్ తో మాత్రం కొంత హైప్ క్రియేట్ చేసే ప్రయత్నం చేస్తున్నారు ఇదివరకే చాలాసార్లు అఖిల్ ఏజెంట్ కు సంబంధించిన బాడీ ఫిట్నెస్ ఫొటోలతో ఎంతగానో ఆకట్టుకున్నాడు. అప్పట్లో ఒక టీజర్ విడుదల చేసి కూడా అదే తరహాలో అట్రాక్ట్ చేశారు.

ఇక రీసెంట్గా మరో బాడీ బిల్డప్ ఫోటోను సోషల్ మీడియాలో షేర్ చేసుకున్నాడు. అంతా బాగానే ఉంది కానీ ఇంకా ఇలా ఎన్ని రోజులు ఫోటోలతో ఫ్యాన్స్ ను సంతృప్తి పరుస్తారు అనేది అసలు ప్రశ్న. ఫ్యాన్స్ కు ఇవన్నీ వద్దు సినిమా అసలు అప్డేట్స్.. అలాగే ఎందుకు ఆలస్యం అవుతుంది? సినిమా సాంగ్స్ ఎక్కడ? అలాగే రిలీజ్ డేట్ ఎప్పుడు? ఇలాంటి ఎన్నో ప్రశ్నలకు సమాధానాలు ఇవ్వాల్సిన అవసరం ఉంది.

సమ్మర్ లో ఫిక్స్ అంటున్నారు కానీ సరైన డేట్ దొరకడం కాస్త కష్టమే. ఇక సురేందర్ రెడ్డి అయితే ఈ సినిమాపై కూడా భారీ ఆశలు పెట్టుకున్నాడు ఆయన చివరగా చేసిన సైరా సినిమా అంతగా సక్సెస్ కాలేదు. అందుకే ఇప్పుడు అఖిల్ ఏజెంట్తో అతను సక్సెస్ అందుకోవాలని చూస్తున్నాడు. మరి ఏజెంట్ సినిమాను సమ్మర్ లో ఎప్పుడు విడుదల చేస్తారో చూడాలి.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.