మా మూర్ఖత్వం అదే.. బాలీవుడ్ పై అసంతృప్తిగా నటుడి వ్యాఖ్యలు..!

ప్రాంతీయ సినిమాలు ఎంత హడావిడి చేసినా ఇండియన్ సినిమా అంటే బాలీవుడ్ మూవీసే అన్న టాక్ నిన్న మొన్నటిదాకా ఉండేది. సౌత్ సినిమాలు ఎన్ని అద్భుతాలు చేసినా పాన్ ఇండియా లెవల్లో పెద్దగా గుర్తింపు తెచ్చుకోవడంలో వెనకపడేవి. కానీ ఇప్పుడు పరిస్థితి మారింది. బాలీవుడ్ సినిమాలను సైతం వెనక్కి నెట్టి ఇండియన్ బాక్సాఫీస్ పై విజయ బావుటా ఎగురవేస్తున్నాయి సౌత్ సినిమాలు. బాలీవుడ్ సినిమాలన్ని నిరాశపరుస్తున్న ఈ టైం లో సౌత్ సినిమాలు మాత్రం అద్భుతాలు సృష్టిస్తున్నాయి.

ఈ విషయంపై హిందీ నటుడు, రైటర్, సింగర్ పియూశ్ మిశ్రా స్పందించారు.. బాలీవుడ్ దర్శకుల కంటే సౌత్ డైరెక్టర్స్ చాలా తెలివైన వాళ్లు అని అన్నారు. మనకంటే వాళ్లు ఎక్కువ క్రియేటివిటీ ఉన్న వారని చెప్పారు. హిందీ పరిశ్రమలో ఉన్న అందరు దర్శకులు ఒకే రకంగా ఆలోచిస్తూ అలానే సినిమాలు తీస్తూ వస్తున్నారు. అదే మా మూర్ఖత్వం అని అన్నారు పియూశ్ మిశ్రా. ప్రస్తుతం ఈయన చేసిన కామెంట్స్ సోషల్ మీడియాలో వైరల్ గా మారాయి.

శంకర్ డైరెక్ట్ చేస్తున్న ఇండియన్ 2 సినిమాలో ఆయన పనిచేశారు. శంకర్ తో పనిచేయడం ఒక మంచి అద్భుతమైన అనుభవం.. ఆయన సినిమాల్లో కాన్సెప్ట్ సింపుల్ గా ఉన్నా ప్రతి సన్నివేశాన్ని చాలా శ్రద్ధతో నెక్స్ట్ లెవల్లో తీస్తారని శంకర్ పై ప్రశంసలు కురిపించారు పియూశ్ మిశ్రా. ప్రస్తుతం ఇండియన్ బాక్సాఫీస్ దగ్గర సౌత్ సినిమాల హవా కొనసాగుతుంది. ముఖ్యంగా తెలుగు, కన్నడ సినిమాలు అక్కడ అద్భుతాలు చేస్తున్నాయి.

ఇప్పుడు ప్రతి హీరో పాన్ ఇండియా స్టార్ గా ఎదగాలని ప్రయత్నిస్తున్నారు. తెలుగులో స్టార్ హీరోలు అందరు తము చేస్తున్న సినిమాలన్ని నేషనల్ వైడ్ రిలీజ్ ఫిక్స్ చేసుకున్నారు. కేవలం తెలుగు హీరోలకే అలా పాన్ ఇండియా ఫేమ్ వచ్చిందని చెప్పొచ్చు. మరి రాబోతున్న సినిమాలతో ఇంకెన్ని అద్భుతాలు సృష్టిస్తారో చూడాలి.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.